Burtsara ateratzeko gutxieneko bost baldintza

Burtsara ateratzeak askotan pentsatzen direnak baino askoz ere errazagoak diren baldintza batzuk betetzea dakar, hala ere, errazak izan arren, erakunde txikietarako garestiak dira.

Edonola ere, geroago  beste betebehar batzuk ere ekartzen ditu, finantza-krisiaren ondoren (baita azken urteetako organo arautzaileen sinesgarritasunaren ondoren ere) okerrera jotzeko joera dutenak, eragiketei gardentasun handiagoa emateko eta akzio-gutxiengodunak babesteko helburuarekin.

Horrez gain, ez da gauza bera balio-merkatu tradizionalera sartzea (konpainia handientzat dena) eta Ordezko Burtsa Merkatura (MAB) sartzea (hedatzen ari diren erakunde ertain eta handientzat dena), izan ere, azken kasu honetan sartzeko baldintzak askoz ere bigunagoak dira.

Hau da, tamainak badu bere garrantzia.Orain burtsan akzioak sartzeko eskaintza publikoak egiteko gutxieneko baldintzak azalduko ditugu:

1. Gutxieneko kapital soziala 1,2 milioi euro dira, horiekin gutxieneko finantza-egitura egiaztatzeko.
2. Kaudimen ekonomikoa egiaztatzea.Balore-merkatuetara atera nahi diren konpainiek azken bi ekitaldietan irabaziak lortu behar dituzte (edo bost urteko aldian, hiru urtetan irabaziak izan behar dituzte), gutxienez ordaindutako kapitalaren % 6ko dibidendu bat banatu ahal izateko.
3. Kokapena amaitutakoan gutxienez 100 akziodun izan behar direla eta haietako bakoitzaren partaidetza akzio guztien % 25 baino txikiagoa izan behar dela ezartzen du arautegiak.
4. Akzioak saltzeko eskaintza publikoak (OPV, gaztelaniaz) gutxienez 6 milioi euroko balioa izango du.
5. Saltzeko Eskaintza Publikoen erosleak zuzentzeko, lotzeko eta gordailatzeko erakunde bat izatea, akzio-gutxiengodunek baldintzak eta eskubideak bete ditzaten.

Une egokia al da burtsara ateratzeko?

Zenbait urtetako ‘lehortearen’ ondoren datu positiboak ikusten hasi dira balore-merkatuen lehen kokatzeetan.Tradizioz, mota horretako eragiketak azkartu egin dira suspertze ekonomikoa eta interes-tasa baxuak egon diren uneetan, eta une honetan hain zuzen baldintza horiek betetzen dira.

Balore-merkatuetara sartzeko badago beste bide bat plan estrategikoak edo nazioartekotzeko planak bultzatzeko finantzazio berria lortzeko.  Hala ere, kontrol-akziodunei likidazioa emateko irtenbidea ere bada, eta konpainiaren aldeko apustua egiteko prest dauden kide berriak sartzeko aukera.