CIRBE edo bankuek beste erakundeekin duzun zorra nola ezagutzen duten

Ba al zenekien bankuek zure kreditu-historialari buruz egunean jartzen dituen tresna bat dutela? CIRBE (Espainiako Bankuaren Arriskuen Informazio Zentrala) deitzen da eta bai bankuek eta bai Fintech deituek, teknologia berrietan eta finantzetan oinarritzen diren start up-ek, pertsona fisikoen edo juridikoen, hau da, enpresa gisa agertzen direnen, finantzaketa aztertzeko erabiltzen dute. Horrela, kreditua edo edozein motako finantzaketa eskatzen duzunean, zure eragiketa guztiak kontsultatzen dituzte CIRBE-ren bitartez.

 Nork aitortu behar dion CIRBE-ri

Informazioa eguneratuta dago, hilero, dituzun arriskuak edo finantzaketa aitortu egiten baita. Edonola ere, hori bertan bizi zarenean eta 6.000 euroko edo gehiagoko zenbatekoen jabe zarenean eta, gainera, Espainian aitortzen dituzuenean egiten da. Espainian bizi ez bazara, arriskuen edo finantzaketaren aitorpena 300.000 eurotik gora dituzunean egiten da.

Krediturik ez duzula pentsatzen ari bazara, gogoan izan abala ematea ere kontuan hartzen dela. Abal-emaile gisa parte hartzen baduzu, nahiz bakarrik nahiz hirugarrenekin, finantzaketaren titularra izan gabe, horri zeharkako arriskua deitzen zaio eta hori ere erregistratuta geratzen da. Arrisku zuzenei dagokienez, horiek zure izenean, bakarrik nahiz hirugarrenekin, dituzun finantzaketari buruzkoak dira. Informazio hori guztia jasotzen dute bankuek, baina ez dakite zein finantza-erakundetan dituzun zure arriskuak edo finantzaketa. Seguruenik, orain, CIRBE-ko datuetara nola sar zintezkeen jakin nahiko duzu. Garrantzitsua da datu horien berri edukitzea, horrela akatsak detektatu ahal izango dituzu, baita, zure kontura egindako iruzurrak ere, edota, kaltetu zaitzaketen beste edozein gertaera. Gainera, doan eskatzen da.

Nola eskatu diezazkiokezun CIRBE-ri zure datuak

Zure datuetara sarbidea edukitzeko, aski da Espainiako Bankuaren edo bere sukurtsalen bulegoetara joatea. Posta bidez ere egin dezakezu, inprimaki bat beteaz eta eskatzen duzunaren, pertsona fisiko nahiz juridiko gisa, araberako dokumentazioa erantsiz. Bide telematikoaz baliatzen bazara, Espainiako Bankuaren Bulego Birtualetik egin behar duzu eta, horretarako, ziurtagiri digitala edo NAN elektronikoa eduki behar duzu.

Datuak okerrak badira, jakin, zuzenketa- edo baliogabetze-eskubidea badagoela, beraz, titularrek CIRBE-n aitortutako datuak okerrak edo akastunak direla baderitzote, informazioa eman duen finantza-erakundera zuzendu beharko dute dagokion zuzenketa edo, zuzenean, baliogabetzea eskatzeko.

Aitortu beharra duten erakundeak

Aitortzera behartuta zein erakunde dauden jakin dezazun, horra hor zerrenda:

• Bankuak, aurrezki kutxak, kooperatibak, kredituzko finantza-establezimenduak eta KOI
• Espainiako Bankua
• Gordailuen berme-funtsak
• Elkarrekiko Berme-Elkarteak, Birfidantzatze Sozietateak eta Estatuko Nekazaritza Kauziozko Sozietate Anonimoa