Enpresa-arriskuei aurre egiteko soluzioak

Erantzukizun Zibileko asegurua (EZ) oinarrizkoa da enpresek diseinatzen dituzten prebentzio-estrategietan, dela programa espezifiko batekin, dela arrisku anitzeko poliza batean txertatuta. Horren helburua hirugarrenei eragin dakizkiekeen kalteen aurrean finantza-babesa ematea da, enpresaren eragiketa normaletan gertatzen diren jarduketen edo ez-egiteen ondorioz gertatzen direnak izan.

EZ-eko asegurua: enpresa bat babesteko tresnarik onena

Enpresa batek jardunbide egokiak ezarri eta beharrezko segurtasun-neurri guztiak hartu arren, ezinezkoa da arrisku guztiak kontrolatzea.

Ezbehar bakar batek, bere magnitudearen arabera, arrisku larrian jar lezake enpresaren etorkizuna. Eskari bakar batek zenbateko izugarri handiko kalte-ordainak ekar ditzake, erakunde baten finantzek nekez aurre egin diezaieketenak, haien tamaina edozein izanda ere. Izan daitezkeen kasuak askotarikoak dira, eta langileen zabarkeriek eragindako kalteetatik hasi eta merkaturatutako produktu edo zerbitzuetako akatsek eragindakoetaraino irits daitezke.

Enpresaren benetako biziraupena bermatuko duena enpresentzako Erantzukizun Zibileko aseguru bat izatea da.

Zer erantzukizun mota du enpresa batek?

Enpresa bakoitza desberdina denez, bere aseguruaren ezaugarriek ere izan beharko dute desberdinak eta bere beharretara egokituak. Argi dago hidrokarburoen sektoreko enpresa batek eta finantza-erakunde batek edo zerbitzu-sektoreko beste batek ez dietela arrisku berdinei aurre egiten. Era berean, ez dira gauza bera pertsona bakarreko enpresa bat edo plantillan langileak dituen beste bat, jarduera zuzenean egiten duena edo jardueraren zati bat azpikontratatzera jotzen duen beste bat. Horregatik, hainbat erantzukizun motaz hitz egin dezakegu, hala nola:

• Erantzukizun Zibil Orokorra. Industria- eta merkataritza-jarduerek eta zerbitzu ez-profesionaletako jarduerek (ez-profesional liberaltzat hartuta) aseguru hori behar dute, hirugarrenei beren jarduera gauzatzean eragin diezazkieketen kalteak estaltzeko, eta, horrez gain, honako hauek estaltzeko, besteak beste:
  • Enpresak bere jarduera gauzatzen duen instalazioen jabe gisa sor daitezkeen kalteak.
  • Higiezin baten erabiltzaile edo maizter gisa eragin ditzakeen kalteak.
  • Amaitu edo entregatu ondoren egindako lanek edo obrek eragin ditzaketen kalteak, adibidez, akastunak izan direlako.
  • Enplegatuek jasandako lan-istripuen ondoriozko kalte-ordainak.
  • Zerbitzu bat emateko azpikontratatu ditugun hirugarren enpresei eragin diezazkieketen kalteak.
• EZ profesionala, zerbitzu profesionalak ematean gerta daitezkeen akatsen edo ez-egiteen aurrean babesten dutenak.
• Defentsa juridikoa, fidantza judizialak eta kalteak erreklamatzeko lege-aholkularitza.
• Ingurumen Erantzukizuna: legeak enpresa jakin batzuk behartzen ditu, hidrokarburoen sektoreko enpresak kasu, ingurumenari eragiten dizkioten kalteak prebenitzeko eta konpontzeko beharrezko kostuei aurre egiteko finantza-berme bat eratzera. "Kutsatzen duenak, ordaintzen du" printzipioetan oinarritzen da, eta berme finantzario hori eratzeko modurik ohikoena, errazena eta ekonomikoena Ingurumen Erantzukizuneko aseguruaren bidez da.
• D&O asegurua ("Directors and Officers"-en laburdura): enpresetako zuzendarien eta goi-kargudunen erantzukizun zibil pertsonala ziurtatzen du. Gero eta ohikoagoa da exekutiboek negozioan parte hartzen duten alderdien erreklamazioak jasotzea. Hala, adibidez, enpresako akziodunek demanda judiziala aurkez dezakete emandako informazioan zehaztasun faltak izateagatik; langileek gauza bera egin dezakete konpromisoak ez betetzeagatik, jazarpen- edo kaleratze-kasuengatik; lehiakideek merkatuko praktikak urratzeagatik erreklama dezakete, eta, are gehiago, administrazio publikoek jardun dezakete lege-, zerga- edo administrazio-arloko arau-hausteen kasuan. D&O aseguruak eragotzi egingo du erreklamazio mota horiek zuzendarien ondare pertsonalari eragitea.

Azken batean, Erantzukizun Zibileko asegurua funtsezkoa da edozein negoziorentzat, baina beste produktu batzuekin gertatzen den bezala, funtsezkoa da enpresaren benetako beharretara ondoen egokitzen dena aukeratzea.

LABORAL Kutxako Enpresetako Espezialisten Taldeak laguntza eman diezazuke zure kasu zehatzean aholkularitza profesionala emanez. Jarri harremanetan hemen berarekin edo zure ohiko bulegoaren bidez.