Esaguzu zein den 2016an egin genituen publizitate-iragarkietatik gehien gustatzen zaizuna eta irabazi 100 euro

Egunero milaka lagun etortzen dira LABORAL Kutxara, beren etorkizuneko planak, aurrezkiak edo etxearen segurtasuna gure esku jartzeko. Horrelako konfiantza ezin da eskatu, egunez egun irabazi behar da, arlo guztietako bikaintasunaren aldeko apustua eginez eta gure bezeroen kexa, iradokizun eta kritikei etengabe erantzunez. Horrexetarako, hain zuzen, jotzen dugu gaur zuregana. Hobetzen lagun diezaguzun. Zehazki, zure iritzia jakin nahi genuke gure publizitate-iragarkiei buruz, eta 2016an egin genituenetatik zein gustatu zitzaizun gehien esatea. Baduzu tartetxo bat denak ikusi eta gogokoena bozkatzeko? Jakin nahi dugu noiz asmatu dugun gehien. Eta, zure iritzia eskertzeko, 100 euroko opari-txartela zozkatuko dugu, Gift4You webgunean aisialdiko, modako eta gastronomiako produktuekin truka dezazun. Zoaz inprimakira eta hartu parte!

Lehen kartelak, orain iragarkiak

LABORAL Kutxak 1980ko urteetan egin zuen lehen iragarkia telebistan. Ordutik hona, milaka iragarki egin ditugu, bilduma txiki honek erakusten duenez. Iragarki horiek gailu mugikorrez zein ordenagailuz ikus daitezke, Internetek ahalbideratu duen pantaila-biderketari esker. Telebistan, Twitterren, Facebooken… ziur aski gure iragarkietako bat baino gehiago ikusi zenituen iaz, eta jakin nahi dugu zein gustatu zitzaizun gehien.

Baliteke duela aste batzuk ere guri lagundu izana, 2016an zein kartelekin asmatu genuen esateko eskatu genizunean. Orduan zorterik izan ez bazenuen, berriro saiatzea proposatzen dizugu. Gure komunikazio korporatiboa hobetu nahi dugu, ahalik eta erabilgarriena, gardenena eta eraginkorrena izan dadin. Lagun iezaguzu inprimakia eskuratuz eta bideoetako bat aukeratuz… eta zorte on!