Francisco Etxeberriak eta Mari Carmen Gallastegik irabazi dute 2013ko Eusko Ikaskuntza-LABORAL Kutxa Saria

1 min.

2013-10-15

Francisco Etxeberria auzitegi medikuak eta Mari Carmen Gallastegi ekonomialariak Eusko Ikaskuntza-LABORAL Kutxa Saria jasoko dute gaur arratsaldean Miramar Jauregian. Sari honek Humanitateen, Kulturaren, Arteen eta Gizarte Zientzien arloan curriculumik azpimarragarrienak dituzten jarduneko pertsona ezagunak saritzen ditu urtero.

Francisco Etxeberriari dagokionez, bere ikerketa eta irakaskuntza ibilbidearen garrantzia, elkarlan proiektuetan –besteak beste, Gipuzkoako Arkeologia Gutuna- parte hartu izana, eta Gerra Zibileko hobi kolektibo eta desagertutako pertsonen inguruan egindako lana azpimarratu du epaimahaiak.

Mari Carmen Gallastegiri dagokionez, ikerketa eta irakaskuntzan egindako ibilbidea, bereziki Euskal Herriko Unibertsitatean, eta euskal erakundekiko konpromiso nabaria.

Aurreko sarituak

1995ean jarri zuten martxan Eusko Ikaskuntzak eta Euskadiko Kutxak sari hau, Humanitateen, Kulturaren, Arteen eta Gizarte Zientzien alorrean gure herriaren garapenari egindako ekarpenak eskertzeko. Aurtengoa saria bi pertsonen artean banatzen duten bigarren aldia da:

2012 Joxe Azurmendi

2011 Maria Bayo

2010 Joxerramón Bengoetxea

2009 Javier Elzo

2008 Daniel Innerarity Grau

2007 Gregorio Monreal Zia

2006 Maïté Lafourcade

2005 Nestor Basterretxea Arzadun

2004 Juan San Martín Ortiz de Zarate

2003 Gurutz Jáuregui Bereciartu

2002 Bernardo Atxaga (Jose Irazu)

2001 Juan Garmendia Larrañaga