Gaztempresa unibertsitateko ekintzailetzarekin

Uztailak 9an, ostegunean,  Mondragon Unibertsitateak Enpesa Ideia berrien III.  Lehiaketako sariak banatuko ditu.  Sariak  Euskadiko Kutxaren Gaztempresa Fundazioak emango ditu, eta epaimahaian hartuko du parte.Mondragon Unibertsitatearen sustapeneko eta ekintzailetzako  Ekiten Programaren barruan egingo da lehiaketa, eta honako helburu hauek ditu:

• Espiritu ekintzailea bultzatzea Mondragon Unibertsitateko ikasleen artean: sormena , ekimen berriak eta autoenplegua bultzatzea.
• Balio erantsiko produktuak, prozesuak eta negozioak sortuko dituzten ideia berritzaileak sortzea bultzatzea.
• Diziplinarteko talde-lana bultzatzea.

Hein handi batean, helburu horiek ditu Gaztempresak. Izan ere, 1993tik lanean dihardu enplegua sustatzen eta enpresak sortzen laguntzen. Horregatik, Euskadiko Kutxaren fundazioak Mondragon Unibertsitatearen ekimen horri laguntzea erabaki zuen orain bi urte.

Ideia onenei sariak

Urtero, Enpresa Ideia Berrien Lehiaketak Mondragon Unibertsitateko ikasleek aurkezturiko negozio-ideia onenak saritzen ditu.

Lehen saria 1.000 euro dira (taldearentzat), eta proiektua garatzeko Ekiten beka lortzeko aukera.

Bi accesitak 500 eurokoak dira, talde bakoitzeko.

Epaimahaia ekainean bildu zen eta honako proiektu hauek saritzea erabaki zuen, uztailaren 9ko entrega-ekitaldiaren ostean sakonago ezagutuko ditugunak:

1. Eguzkitako inteligenteak
2. SarL, ibilgailu elektrikoak kargatuko dituen azpiegitura ezartzea
3. Komunikazioa

Zorionak hiru talde irabazleei eta parte-hartzaile guztiei!