Gaztenpresak helburua bete du: 415 enpresa berri eta 812 lanpostu berri 2018an

Gaztenpresak beste behin arrakasta izan du, 2018an 415 enpresa berri eta 812 lanpostu berri finkatzen lagundu baitu. Fundazioak, 1994. urteaz geroztik, 5.300 enpresa baino gehiago sortzen lagundu du, eta urte horietan zehar 9.500 lanpostu sortu ditu.

Gaur jakinarazi dute prentsaurrekoan, eta horrek erakusten du Gaztenpresako talde osoak lan handia egiten duela, enpresa berriak sortzeko orientazioan, akonpainamenduan nahiz laguntzan.

Ekintzailetza-zikloak gero eta aldagai gehiago ditu, eta ezinbestekoa da jakitea zein ate jo behar diren. Gaztenpresaren laguntza izan duten enpresek beren ideiak enpresa bilakatu direla ikusi dute, besteak beste, aholkularitzari, bideragarritasun-azterketari, negozio-planari, izapideei, diru-laguntzei eta abarri esker. Izan ere, enpresa guztiek sortzeko eta bizirik irauteko behar dituzten fase bakoitzean laguntza jaso dute.

Ekintzailetzak aukera ematen die askori autoenplegua eta aberastasuna sortzeko. Zaindu beharreko aktibo soziala da, eta, ildo horretan, LABORAL Kutxak beste erreminta eta laguntza-metodoekin batera, informazioa eta bizirik irauteko diagnostikoak eta finantzaketa eskaintzen ditu. Horrez gain, Gaztenpresaren mentoring zerbitzuak sartzeak negozioaren bilakaerarako beharrezko desberdintzea ematen du. Funtsezkoa da enpresa berriek erabakiak hartzeko ekintzailetzan eta enpresa-kudeaketan esperientzia duen profesional egiaztatua eduki ahal izatea.

Gaztenpresa zoriondu nahi dugu, gainerako erakundeek bezala, enpresen eskura erreminta onenak jartzen jarraituko baitu, lehiakorrak izan daitezen.

Zorionak, Gaztenpresa!

2018ko memoriaren esteka