Inkesta: zein itxaropen dituzte euskal enpresek 2015. urterako?

2015. urtea nahiko urte pozgarria izango da ikuspegi ekonomikotik, aurrekoekin alderatuta batez ere. Izan ere, aurreko urteetan ezohiko egoera txarra bizi dugu, atzerapen ekonomikoa eta langabezia-tasa altua direla eta. Azken finean, berreskuratze-fase irrikagarriaren hasieran gaudela dirudi, oraindik ere krisiari aurre egiteko oztopo dezente izan arren.

Enpresak dira, hain zuzen, ekonomiaren egoera neurtzeko termometro gisa erabil daitekeen agente ekonomikoetako bat. Duela bi hiruhilekotik inkesta bat egiten diegu Euskadiko Autonomia Erkidegoko enpresei. Azaroaren erdialdera aldera egindako azken inkestan, enpresek 2015. urteko lehen hiruhilekorako beren itxaropenen inguruan erantzun ziguten. Jarraian, lortutako emaitzen laburpen bat aurkezten dizuegu.

Hurrengo taulan, indizea osatzen duten adierazle partzialen balioak agertzen dira. Horiek oso erraz interpreta daitezke: 50etik gorako balioek aurreko hiruhilekoko portaera baino portaera hobea adierazten dute, eta 50etik beherakoek, aldiz, alderantzizkoa.

Osagaiak	2015eko 1. hiruhilekoa
Fakturazioa	61,3
Jarduera	55
Eskaerak	58,1
Prezioak	43,9
Errentagarritasuna	44
Langileak	51,9
Inbertsioa	49,1
Guztira	53,4

Ikus daitekeen moduan, hiruhileko honetako itxaropenak hobeak dira –enpresak aurreko urteko azken hiruhilekoan bizitzen ari zirenarekin alderatuta– fakturazioari, jarduerari, eskaerei eta langileen kontratazioari dagokienez. Aitzitik, prezioekin, errentagarritasunarekin eta inbertsioarekin lotutako itxaropenak ez dira horren baikorrak 2014. urte amaierako hiruhilekoarekin alderatuta. Azken ilaran, osagai guztien agregazio-indizearen balioa 53,4 dela ikus dezakegu, eta beraz, hedapen-gunean gaudela esan genezake.

Hurrengo taulan, inguruko beste herrialde batzuetako emaitzekin aldera ditzakegu gure emaitzak:

Herrialdea	Indizea
Irlanda	56,9
Espainia	53,8
Herbehereak	53,5
Alemania	51,2
Grezia	49,4
Austria	49,2
Italia	48,4
Frantzia	47,5

Taulan islatzen den moduan, gure balioa Estatu osoko balioaren nahiko antzekoa da eta aurkeztutako sailkapeneko lehenengoetarikoa da.

Nolanahi ere, eta azken bi hiruhilekoetako inkestan lortutako emaitzak kontuan hartuta, Euskadin itxaropenek okerrera egin dutela esan behar dugu, 2014. urte amaierako hiruhilekoan indizearen balioa 58,2 baitzen. Izan ere, eta hasieran genion bezala, berreskuratze-fasearen hastapenetan gaude oraindik ere, eta aldakortasun horrekin bizitzen ikasi beharko dugu.