Innobideak Programaren epea ireki da euskal enpresa-ehunean berrikuntza sustatzeko

Enpresa bat duzu eta berritzeko laguntza behar duzu? Zure lehiakortasun-maila hobetu nahi duzu? Eusko Jaurlaritzak, SPRIrekin batera, Innobideak Programan parte hartzeko gonbita luzatzen dizu; hau da, euskal enpresen lehiakortasuna hobetzen laguntzeko ekimena berrikuntza bultzatuta.

Innobideak programak hiru laguntza-lerro eskaintzen ditu, enpresaren jarduerako hainbat alderdi hobetu ahal izateko, jarduera berritzaileak sartuaz kanpoko profesionalen laguntzarekin:

1. Innobideak-Lehiabide Programa, banaka edo lankidetzan berritzeko produktuak, prozesuak, merkatuak eta antolamendua. Laguntzaren zenbatekoa proiektuan diruz lagundu daitezkeen gastuen %50aren baliokidea izango da; dena den, proiektu bakoitzeko gehienez 50.000 €-ko diru-laguntza emango da.

2. Innobideak-Kudeabide Programa, euskal enpresen lehiakortasuna hobetzeko Kudeaketa Aurreratuaren Ereduaren Laguntzaren zenbatekoa proiektuan diruz lagundu daitezkeen gastuen %60aren baliokidea izango da; edonola ere, enpresa bakoitzeko gehienez 25.000 €-ko diru-laguntza emango da.

3. Innobideak-Pertsonak Programa, enpresan langileek parte hartzea bultzatzen duena, gardentasun, konfiantza, egonkortasun, barne-lankidetza eta moldagarritasun handiagoan oinarrituta. Laguntzaren zenbatekoa proiektuan diruz lagundu daitezkeen gastuen %50aren baliokidea izango da; edonola ere, enpresa bakoitzeko gehienez 50.000 €-ko diru-laguntza emango da.

Dagoeneko epea irekita dago. Beraz, interesatuta dauden enpresa guztiek beren dokumentazioa aurkez dezakete orain hasi eta irailaren 27ra bitarte. Ez dakizu ziur zure enpresa prestatuta dagoen?

Guk argituko dizugu; izan ere, LABORAL Kutxak Partners Global Funding-ekin batera, zure eskura jarriko du zure enpresari laguntzeko instrumentu publiko ezberdinak identifikatzeko tresna.

Oso erraza da; inprimaki txiki hau bete besterik ez duzu, eta datozen egunetan profesional talde bat zurekin harremanetan jarriko da. Nahiago baduzu, euskaraz ere badugu.

Jakizu doan zure unea den eta nola aprobetxatu behar duzun!