Zer egin enpresa batek mortis causa ondorengotza batean bizirik irautea lor dezan

Enpresa batek mortis causa ondorengotza batean bizirik irautea lor dezan, beharrezkoa da familia-protokolo bat prestatzea:

- Enpresaren jabe den familiak bere enpresarekin dituen harremanak ezartzen dituen kontratua da. Kontratu horrek inplizituki jasotzen du plangintza ekonomiko bat.

- Tituluek familiaren esku jarraituko dutela ziurtatu behar du.

- Protokoloaren aurreikuspenak jasoko dituen estatutuak idaztea, Sozietateen Zuzenbidearen arabera.

- Lan arloko estatutuak ezartzea, estatutu horiek urratuta egin den tituluen edozein eskualdaketa baliogabetzea bermatuko dutenak (besterentzeko betebeharraren klausulekin).

Jarraian, azter ditzagun mortis causa ondorengotzetan sortu ohi diren arazoak eta horiek konpontzeko egon daitezkeen bideak.

Mortis causa ondorengotzaren arazoak

- Hil den bazkideak familiatik kanpoko hirugarrenei esleitzen badizkie bere akzioak edo partizipazioak, eta familia titulurik gabe geratzen bada.

- Oinordekoak lehenago hiltzea edo haren lekua hartu ezin ahal izatea, edozein arrazoi medio.

Nola konpondu mortis causa ondorengotzaren arazoak:

- Garrantzitsua da eskuratzailearen baimen-klausula edo tituluak besterentzeko obligazioa idatzi izana. (Partizipazio horiek sozietateari edo bazkideei eman beharko dizkiete, dagokion prezioaren truke –erreskate eskubidearen modalitate jakin bat da–).

- Plangintza ekonomikoa egitea, funtsak izateko, titulu horiek erosi ahal izateko helburuz.

- Bazkideen bizitza-aseguruaren polizak kontratatzea. Familia-enpresa izango da onuraduna. Diru hori hirugarrenen tituluak erostera bidera daiteke. Polizek aukera ematen dute oinordekoek tituluen truke likidotasuna eskuratzeko ere; bai enpresan jarraitu nahi ez dutenek, bai jarraitu nahi dutenek. Enpresa uzten dutenek, dibidenduen banaketa jasoko dute polizari esker.

-Tituluak erosteko prezioa zein izango den aurreikustea. Horretarako, salmenta- eta erosketa-hitzarmen gurutzatuak sinatuko dira. Prezioa polizak aseguratutako kapitalaren berbera izango da.