Andre Maria Zuriaren jaiak doako wifiarekin ospatuko ditugu

Blogari agur esan genion irailera arte eta, hemen gaude, abuztu bete-betean. Izan ere, kontatu nahi dugunak merezi duelakoan gaude. Uztailean Zurriolako hondartzan gure internet zerbitzuak zelako arrakasta izan zuen kontuan hartuta, Gasteizko jaietan ere internet eskaintzea erabaki dugu. Oraingoan are gehiago.

Andre Maria Zuriaren jaiak doako wifiarekin ospatuko ditugu

Linea saturatuta? Bai zera!

Zeledonen jaitsiera galtzen ez duten horietakoa zara? Urtero internetekin arazoak izaten dituzulako lagunak galtzen dituzu? Edo urteko unerik gogoangarrienetako baten irudiak bidaltzerik ez duzu izaten? 2014an ez duzu horrelako arazorik izango. Whatsappa edo Telegrama erabili ahal izango dituzu inolako arazorik gabe. Edota Youtubera igo ahal izango duzu zure lagunen bideorik gogokoena (haien baimenarekin e!) Era berean, jaiak nahi duzunarekin bizitzeko erabiltzen dituzun sareetako edozein (hirian egon ala ez) eguneratu ahal izango duzu.

Internet librea eta doakoa eskainiko dizuegu, LABORAL Kutxan herritar guztiek teknologia berriak eta zerbitzu digitalak erabiltzea sustatu nahi dugulako. Horrela, jaietako programa  edonoiz kontsultatu ahal izango duzu.  Ez duzu ekintzarik galtzeko aitzakiarik izango.

Gure sarea wifi estandarrekin bateragarria den edozein gailutatik erabil daiteke, bai smartphonetatik bai tabletetatik. Horretarako, LABORAL Kutxaren haririk gabeko sarea detektatu eta sistemak adierazten dituen pausuak eman behar dituzu. Bizkorra eta erraza da.

Blusak? Neskak? Prest zaudete?

Gasteizen ikusiko dugu elkar!