Aurkitu gure kutxazainik hurbilena edo komisiorik txikiena kobratzen duena, webeko eta mugikorreko funtzionalitate berri honi esker

LABORAL Kutxaren kutxazainik hurbilenaren bila zabiltza? Badakizu bat ere ez dagoela hurbil eta komisiorik txikiena kobratzen dizuna aurkitu nahi zenuke? LABORAL Kutxan, zuri nola lagundu pentsatzen dihardugu beti. Horregatik, beste botoi bat gehitu diogu geure web-orriari. Botoi horrek bilatzen duzuna aurkitzen lagunduko dizu, eta, horrela, beste aukera bat gehiago izango duzu gure entitatera Internet bidez jotzen dutenek gehien erabiltzen duten funtzionalitateaz, bulego-bilatzaileaz, gain. Kutxazain automatikoen bilatzaile berriari esker jakingo duzu non duzun LABORAL Kutxaren kutxazain bat edo komisio txikiagoak ordaintzeko gurekin akordioa sinatu duen entitate baten kutxazaina. Zure ordenagailuan eta, jakina, zure mugikorrean erabil dezakezu. GPSa aktibatuta baduzu, etekinik handiena aterako diozu. Ikusi nahi duzu nolakoa den eta nola funtzionatzen duen?

Nolakoa den eta non aurki daitekeen

Honela ikusiko duzu zeure mugikorrean.

Geolokalizazio-funtzionalitateak

GPSa aktibatuta duen gailu batetik sartzen zarenean, konektatu zaren kokapeneko ingurua arakatzea nahi duzun galdetuko dizu bilatzaileak.

Horretarako baimena ematen badiogu, gure konexioaren IPa erabiliko du, kutxazainik hurbilenen kokapena emateko. GPSa aktibatuta baduzu, mapak zure ingurunean jarriko du arreta, eta hurbilen dituzun kutxazainak aurkituko ditu. Baina LABORAL Kutxarenak soilik erakutsiko dizkizu, aukera horrek ezin baititu beste entitate batzuenak erakutsi.

Gure kokapena arakatzeko baimena ematen ez badiogu, berriz, mapa dagoen bezala geratuko da.

Jakina, behin mapan sartuta, hurbilago edo urrunago jar zaitezke, nahi duzun area geografikoa ikusteko.

Nola interpretatu mapa

Zure bilaketen emaitzak agertzen direnean, hiru ikono mota bereiziko dituzu:

Lehenak esan nahi du inguru horretan kutxazain batzuk daudela elkarrengandik hurbil.

Jakina, giltzaren sinboloak LABORAL Kutxarenak direla adierazten du.

Ikono gris bat besterik ez baduzu ikusten, horrek esan nahi du kutxazain hori gurekin komisioak jaisteko akordioa duen entitate batena dela.

Nola bilatu

Bilatzaileak “hiria edo kalea” eremuen bidez aurkitzen dituen kutxazain guztien kokapena emango du, bai LABORAL Kutxarenak bai itunpekoenak; eta mapa hurbildu edo urrundu egingo du, erakutsi beharreko arearen arabera.

Probintzien araberako bilaketak, berriz, kutxazainak zein herritan dauden zehazten du. Gainera, gure kutxazainak bakarrik, itunpeko erakundeenak edo biak bilatzeko aukera eskainiko du.