Autonomoak eta Gizarte Segurantza: modu elektronikoan izapide kudea urriaren aurrera
2018-05-29
Autonomoak eta Gizarte Segurantza: modu elektronikoan izapide kudea urriaren aurrera
Beren kontura lan egiten duten profesional askok Administrazioarekin egin beharreko izapideak arindu eta horiek aurrez aurrekoak izan ez zitezela nahi zuten. Iritsi da unea: 2018ko urriaren 1etik aurrera, langile autonomoek modu elektronikoan egin behar dituzte Gizarte Segurantzaren Diruzaintza Nagusiarekin (GSDN) egin beharreko afiliazio-, kotizazio- eta bilketa-izapideak, jakinarazpenak jaso eta sinatzeaz gain.
Zein izapide kudea ditzaket modu elektronikoan?
Joan-etorrietan denbora aurrezteaz gain, modu sinpleagoan, seguruagoan eta azkarragoan egingo dituzu GSDNrekin egin beharreko kudeaketa elektronikoak, nahi duzunean eta nahi duzun tokitik, eguneko 24 orduetan, urteko egun guztietan. Honako hauek kudeatu ahal izango dituzu:- Altak eta bajak Langile Autonomoen Araubide Berezian (LAAB). Alta jarduera hasi baino 60 egun natural lehenagora arte jakinaraz dezakezu. Baja, berriz, jarduera eten eta hurrengo hiru egunetan.
- Jarduera-aldaketa. Langile autonomo gisa betetzen duzun jarduerarekin lotutako edozein aldaketa.
- Aldaketak kotizazio-oinarrian. Lau aldiz eska dezakezu aldaketa urte natural bakoitzeko.
- Datuen aldaketa LAABen. Laneko zure identifikazio-datuak aldatu eta altaren dokumentazio osagarria erantsi ahal izango duzu, onura jakin batzuetara LAAB kontingentzien estaldura aldatzeko eskaera (hurrengo urterako). Aldatu aldi baterako ezintasunari, lan-istripuari, gaixotasun profesionalari, jarduera-bukaerari eta Mutuari dagozkien estaldura-datuak (hurrengo urterako).
Txostenak, ziurtagiriak eta beste kudeaketa batzuk
Izapidetze elektronikoak hirugarrenen aurrean legezko balioa duten ziurtagiriak edo txostenak eskuratzea ahalbidetzen dizu, beste kudeaketa batzuez gain:- LAABen alta/baja emateko ebazpenaren kopia.
- Oinarrien eta ordaindutako kuoten txostena.
- Gizarte Segurantzarekin bete beharreko betebeharrak egunean dituzula jasotzen duen txostena/ziurtagiria.
- Lan-bizitzaren txostena.
- Kotizazio-oinarrien txostena.
- Zure helbidea aldatzea.
- Gizarte Segurantzari egin beharreko kuoten ordainketa helbideratzea.
- Zure telefono-zenbakia eta helbide elektronikoa jakinaraztea.
Nola jarri harreman elektronikoan GSDNrekin
Bi modutara egin dezakezu:- RED (Datuen Igorpen Elektronikoa) Sistemaren bitartez. Bertan, baimendutako pertsona batek jardungo du zure izenean.
- Gizarte Segurantzaren Egoitza Elektronikoaren (SEDESS) bitartez, izapideak zerbitzu elektronikoen bitartez egin nahi badituzu.
Ziurtagiri Elektronikoa
Ziurtagiri Elektronikoa edo Digitala sarean identifikatzeko erabiltzen dugun dokumentua da eta agintari ziurtagiri-emaile batek baimentzen du. Hurrengo estekan, Gizarte Segurantzak onartutako ziurtagiri guztien zerrenda aurkituko duzu.- Eskuratu Ziurtagiri Elektronikoa. Diruaren eta Zerga Zigiluaren Fabrika Nazionalaren web-orriaren bitartez egin dezakezu. Zure IFZ (edo IFK edo AIZ) sartu eta kode bat emango dizute. Kode horrekin, Erregistroaren bulego batera joan beharko duzu zure nortasuna frogatzera, indarrean duzun nortasun-agiriarekin. Azkenik, eskaera egin zenuen ordenagailutik Ziurtapen Erakunde Publikoaren (CERES) webgunean sartu eta ziurtagiria jaitsi behar duzu, ordenagailuan instalatuta geratu dadin.
Izenpe
Foru Aldundiek eta Eusko Jaurlaritzak sortu zuten, 2002an, Gobernu elektronikoa sustatzeko helburuarekin. Gaur egun, Izenpe da ziurtagiri digitalak bidaltzeaz eta kudeatzeaz arduratzen den erakunde ziurtagiri-emailea eta, ziurtagiri horien bitartez, euskal herritarrak modu telematikoan jar daitezke harremanetan administrazioekin, modu konfidentzialean eta guztiz seguruan.- Ziurtagiri-motak.
- Asko daude, baina Herritarren Ziurtagiria (autonomoei eragiten diena) eta Ziurtagiri Profesionala eta Korporatiboa (enpresentzat) azpimarratu nahi ditugu. Momentuz, lehenengoa doan igortzen da. 4 urteko balioa du eta berritu egin behar da epe hori amaitzean. Bigarrenaren kasuan, prezioak 56 eta 84 euro artean aldatzen dira, taula honetan ikus dezakezun moduan. Hauek ere 4 urtetarako balioa dute. Nola eskuratu. Izenpe web-orrian aurkituko duzun eskaera bat bete behar duzu, besterik gabe. Gero, hitzordua eskatu eta xede horrekin gaitutako puntu batetara joan behar duzu, adierazitako egunean. Izan ezazu hau gogoan, atzeratu egiten baita (ez pentsa hitzordua hurrengo egunean emango dizutenik).
- Abian jartzea. Ziurtagiria erabiltzen hasi ahal izateko, Izenperen webgunean aurkituko duzun doako software bat instalatu behar duzu zure gailuan. Era berean, 10 euro inguru balio dituen txartelen irakurgailu bat behar duzu ziurtagirira sartu ahal izateko.
Zein da zure erreakzioa?
Interesgarriak izan daitezke...
