Ekintzaileak finantzaketan ezinbestekoak dituen zazpi lerro

Ekintzailea bazara eta finantzaketa behar baduzu, herri administrazioek eskaintzen dituzten laguntza nagusiak azalduko dizkizugu. Laguntza horiei esker, banku-erakundeek eskaintzen ditugun kreditu-lerroen bitartez lortutako kapitala osatu ahal izango duzu. Hona hemen aipatu lerroak:

1.- Enisa: malgutasuna eskaintzen duen kreditua

- Aurrekontu-zuzkidura: 98,3 milioi euro

- Norentzat da:

• Ekintzaile gazteak
• Ekintzaileak
• Eteak (hedapenera bideratutako enpresa-proiektuak)
• Osagai teknologiko handiko enpresak

- Helburua: epe luzerako finantzaketa ematea etorkizun eta potentzial handiko sektoreetan datozen urteetan enplegua sortzen laguntzen duten ekintzaileei eta enpresei.

- Eskatutako bermeak: enpresa-proiektua.

- Maileguaren zenbatekoak: 25.000 €-tik 1.500.000 €-ra bitarte.

2.- Neotec: enpresa gazteentzako laguntza

- Aurrekontu-zuzkidura: 250.000 euro

- Norentzat da: teknologia berritzaileak garatzen aritzen diren enpresa gazteak (4 urte baino gutxiago).

- Helburua: jarduera ikertzailea abiapuntutzat hartuta, teknologiak edo garatutako ezagutzak erabiltzea eskatzen duten enpresa-proiektu berriak abian jartzea finantzatzea.

- Eskatutako bermeak: Garapen Teknologiko Industrialerako Zentroak (CDTI) erabakitzen ditu bermeak, enpresaren finantzaketa ebaluatu ondoren.

- Baldintzak: Negozio-plana aurkeztea (berrikuntza-maila, alde teknologikoa).

3.- Emplea: kontratazioa errazten du

- Aurrekontu-zuzkidura: 6 milioi euro.

- Norentzat da:

• Eteak
• SPIN OFF
• Enpresa berritzaile gaztea (EBG)

- Helburua: 4 teknologo kontratatzea 3 urterako (soldata gordina, gizarte-segurantzako kostuak Euribor maileguan).

- Bermeak: ez da bermerik eskatzen.

4.- Eurostars: lankidetza Europako enpresen artean

- Aurrekontu-zuzkidura: CDTIk proiektuaren arabera erabakitzen du.

- Norentzat da: Europako eteak.

- Helburua: Europako 2 enpresaren edo gehiagoren arteko lankidetza-proiektuak finantzatzea, merkatura bideratutako produktu berritzailea sortzeko.

5.- Retos: Unibertsitatetik merkatura

- Aurrekontu-zuzkidura: 500 milioi euro

- Norentzat da:

• Eteak
• Unibertsitateak

- Helburua: Unibertsitateek eta zentro teknologikoek enpresen bitartez sortutako berrikuntza bideratzea merkatura zuzentzeko, produktu edo zerbitzu berriak diseinatuta. (Prototipo bat garatu behar da).

- Bermeak: ez da bermerik eskatzen.

6.- Emprendetur: sektore turistikoarentzat

- Aurrekontu-zuzkidura: erabakitzeko dago.

- Helburua: produktu eta zerbitzu kulturalak sustatzea teknologia berrien bitartez.

- Modalitatea: bost urteko amortizazioko eta bi urteko gabeziako maileguak.

7.-Gauzatu Industria 2016: oinarri teknologikoko eteak             

- Aurrekontu-zuzkidura: 26 milioi euro.

- Norentzat da:

• ETEAk
• Talde industrialak

- Helburua: Oinarri Teknologikoko eta/edo Berritzaileko ETEAk sortzea eta garatzea bultzatzea.

Eta ez ezazu Gaztenpresa ahaztu! Programa horri esker, 2015. urtean, 402 enpresa berri sortu ziren, eta 731 lanpostu sortu zituzten.