Ezagutzen al duzu LABORAL Kutxaren Gaztenpresa Fundazioa?

LABORAL Kutxa, kreditu-kooperatiba den aldetik, finantza-erakunde gehienak ez bezalakoa izatea eragiten duten gauzetako bat bere ingurunea hobetzeko konpromisoa da. Hau da, bokazio irmoa du bere lorpenak bezero, bazkide eta langileen zerbitzuan jartzeko, baita gizarte osoaren zerbitzuan ere. Gizarte-eginkizun horretan, Gaztenpresa Fundazioak oso zeregin berezia du; eta gure sareetan eta blog honetan behin baino gehiagotan aipatu badugu ere, gaurkoan zehatz-mehatz adierazi nahi dizugu zer egiten duen, zer zerbitzu ematen duen, nork jo dezakeen horra eta nola izan daitekeen ekiten ausartzeko zehazki behar zenuena. Negozio-ideiaren bat baduzu, post hau irakurritakoan, espero dugu zalantza-izpirik ere ez izatea eta Gaztenpresarekin, gure ekintzaileentzako GPSarekin, harremanetan jartzea.Finantzaketa berezia eta aholkularitza integrala negozio bat abian jartzekoHartu nahi duzun bidean orientabidea emango dizute. Horixe da Gaztenpresa, ekintzaileentzako GPSa. Eta bidean diogunean, fase guztietan esan nahi dugu. Negozio-ideiatik –zehazten lagunduko dizute– negozio-planeraino  eta finantzaketaraino  –baldintza berezietan–, baita negoziorako izapideak –laguntzak eta diru-laguntzak barne–  eta zure enpresaren finkapena ere.  Ekiteko asmoa duzu eta erantzun baino galdera gehiago  dituzu? Hasi hemendik.Abala: ia 15 urte lanean eta 6.000 lanpostu baino gehiago sortutaGaztenpresa Fundazioa 2002ko azaroaren 6an hasi zen lanean. Sorreratik, 3.700 enpresa baino gehiago eta 6.600 lanpostu inguru sortzen lagundu du; horrez gain, 114,5 milioi euro eman dizkie programan parte hartu duten pertsonei. 2014an soilik, Gaztenpresa Fundazioak 462 enpresa eta 771 lanpostu sortzen lagundu zuen.Gizartearen zerbitzuan eta hezkuntza-sektorearekin harremanetanFundazioaren helburu nagusia negozio txikien eta mikroenpresen sorrera, garapena eta iraupena sustatzea da. Horretarako, enplegu-aukera berriak bilatzen ditu, autoenpleguaren bidez, langabezian edo lanpostua galtzeko arriskuan dauden pertsonentzat.Baina hor ez da amaitzen gizarte-aurrerabidea bultzatzeko bokazioa. Izan ere, ikasleen artean ekintzailetza eta proiektu berritzaileak sustatu nahi dituzten unibertsitate eta lanbide-heziketako ikastetxeei ere laguntzen die Gaztenpresak, laguntza ekonomikoaren eta berariazko jarduketen bidez. Hona hemen 2014an saritutako ideia batzuk: erditze goiztiarrak detektatzeko gailuaren sorrera, kalorien arabera ordaintzen den jatetxea edo trenak geltokitik pasatzean automatikoki igotzen eta jaisten diren segurtasun-langak.Edonork jo dezake bere ideiarekinHonako hauek izan daitezke Gaztenpresaren onuradun: ekintzaileak, laneratzeko eta gizarteratzeko arazoak dituzten kolektiboak, garatzeko proiektuak dituzten mikroenpresa berriak eta erabiltzaileen artean ekintzailetza sustatu nahi duten erakundeak.Ez dago adin-mugarik zerbitzuetara jotzekoGaztenpresaren bidez sortzen diren enpresak gazteak dira, baina Fundaziora jotzen dutenek ez dute zertan gazteak izan, ez baitago adin-mugarik. Hala, 2014an, Gaztenpresa Fundazioaren laguntza jaso zuten pertsonen batez besteko adina 38 urtekoa izan zen. % 59 gizonezkoa eta % 41 emakumezkoa.Negozioa gauzatu ondoren ere jarraitzen dute laguntza eta aholkua ematenDiogun bezala, Gaztenpresak negozioaren fase guztietan laguntzen die ekintzaileei, baita finkatzeko fasean ere; izan ere, etorkizuna duten eta iraun dezaketen negozioak sortzea da erronka. Fundazioak mentoring programa bat du; horren bidez, nahi baduzu, esperientzia handiko norbaitekin jarriko zaituzte harremanetan, tutore gisa laguntzeko eta, enpresen gestioan duen esperientziari esker, erabakiak hartzea errazteko.Enpresentzako aholkularitza, prestakuntza-lantegiak eta beste zerbitzu batzukEnpresetara egokitutako prestakuntza praktikoko lantegiak eta mintegiak egin ahal izango dituzu, behar duzun eta zuretzat interesgarria izan daitekeen etengabeko prestakuntza jasotzeko. 2014an, adibidez, 151 lantegi antolatu ziren eta 1.062 enpresak hartu zuten parte horietan.