Gernikako Saski Eskola, saskibaloia, balioak eta berdintasuna Urdaibaiko txikientzat

LABORAL Kutxan sei hamarkadatik gora daramatzagu egunez egun kirolaren bidez berdintasuna eta gizarte justuago bat lortzeko apustua berritzen, uste baitugu balio horiek gidatu behar dutela gure jarduera.

Gaur, beste urrats bat eman dugu konpromiso horretan, eta zuen seme-alabak, 2014an eta 2015ean jaiotako Urdaibaiko txikiak, anbizio handiko oinarria duen kirol-proiektu batean parte hartzea nahi dugu. Indarrak batuz, Gernika KESB taldearekin elkarlanean ari gara, LABORAL Kutxa Gernika Saski Eskola sortzeko. Ekimen horri esker, eskualdeko umeek aukera izango dute saskibaloia ezagutzeko eta saskibaloiaz gozatzeko, berdintasunaren, elkarlanaren eta bizitza-ohitura osasungarrien printzipioak gidari hartuta.

Anima zaitezte zuen txikiak ekimen honetan sartzera, jada etxean irakasten dizkiezuen printzipioak indartu eta osatzeko, kirola egin eta eskualdeko beste ume batzuekin elkartzen diren bitartean. Aukera aparta da saskibaloiari eta bizitza osasungarriari lotutako balio-eskola xume honetan sartzeko. Gernikako Saski Eskolan izena emateko, inprimaki hau bete dezakezue.

Balioak irakastea kirolaren bidez

LABORAL Kutxa Gernika Saski Eskolak ordubeteko saioak egingo ditu igandero, maiatzaren 30era arte. Jarduera Gernikako Santanape kiroldegian hasiko da, baina gure helburua da astiro-astiro eskualdeko beste herrietara iristea, printzipio horiek lurralde osora zabaltzeko. Entrenamenduak osatzeko, topaketak egingo ditugu Bizkaian zehar.