Gure kreditu-txartelen doako aseguruak hobetu ditugu

Gure kreditu-txartelak merkaturatzen hasi ginenetik (1980an!) etengabe hobetu ditugu. Jakina, produktu gutxi dira horren erabilgarriak eguneroko jardunean. Horregatik, kreditu-txartelei etekinik handiena atera eta lasaiago egon zaitezen, aurtengo urtarrilaren 1etik aurrera hobetu egin ditugu txartelen doako aseguru-estaldurak. Ba al dakizu nola? Jarraian azalduko dizugu.

Gure kreditu-txartelen doako aseguruak hobetu ditugu

Orain, lasaitasun handiagoz bidaia dezakezu

Kreditu-txartela eskura dugula atera ohi gara etxetik egunero, eta are gehiago bidaiatzera bagoaz. Horregatik, doako bidaia-aseguruak gehitu dizkiegu gure txartel guztiei, AKTIBA motakoei izan ezik.

ORO txartelen kasuan, hasi gabeko bidaia bertan behera uzteagatiko gastuak ere sartuko dira aseguru horretan hemendik aurrera, gaixotasun larriagatik edo supostu horretan berariaz jasota dagoen egoeragatik bermatuta duzu 900 eurorainoko diru-itzulketa.

Estaldura handiagoa istripu-kasuan eta erosketa-aseguruak

Sarritan kontatu dizkizugu gure txartelen abantailak. Contactless teknologia darabilte, mugikorrerako pegatina bihur daitezke, nahieran pertsonaliza ditzakezu, online-erosketetan segurtasunik handiena eskaintzen dute… eta, urtarrilaren 1etik aurrera, bai klasikoek eta baita AKTIBA, PRO eta ORO txartelek ere estaldura zabalagoa eskaintzen dute istripu-aseguruetan. Zure lasaitasunerako.

Gainera, Visa ORO Partikularen txartelari erosketak babesteko bermea gehitu diogu. Gertatu zaizu inoiz zerbait erosi eta berehala apurtu zaizula edo lapurtu egin dizutela? Dendatik atera zara eta lapurrak zerbait eraman dizu edo erosi duzu apaingarri garesti bat, pasa da aste bete eta erortzerakoan txiki-txiki eginda geratu da. Ba, berme honekin, 500 euroraino itzuliko genizkizuke.

Ikusten duzunez, ez dugu atsedenik hartzen. Produkturik eta zerbitzurik onenak izan ditzazun nahi dugu, atseginez bidaiatu eta eros dezazun, zure LABORAL Kutxa txartelei etekinik handiena atereaz.