Itoginak, etxeko aseguruen konponketa-lanen iturri nagusia

Itoginei buruz ari gara, etxeko konponketen eragile nagusiez: etxeko aseguruaren kontura egiten diren 10 esku-hartzetik 4 urak eragindako kalteekin lotuta daude. Jarraian datoz kristalen puskatzea eta kalte elektrikoak.

Garrantzitsua da etxeko aseguru on bat izatea

Urak eragindako kalteak ez dira aurreikusten eta, esan dugunez, oso nekosoak izaten dira. Alde on bat dute: ezusteko gertakarien ondoriozko konponketa-lanen hiru laurden aseguruak hartzen ditu bere gain. Poliza egoki bati esker partikularrek eta etxepekoen komunitateek ziurgabetasun-egoerak saihestuko dituzte, aseguru ona badute derramak eta arazoak aurreztuko dituzte.

Urak eragindako kalte material ugari estaltzen dute polizek: etxeko ur-ihesak eta baita kanila nahi gabe zabalik uzteak eragindako kalteak ere. Ihesak bilatzeko gastuak eta hodiak konpontzea, halaber, polizen barruan sartuta egon ohi dira. Nolanahi ere, kontratu bakoitzak jasotzen ditu polizak estaltzen dituen kalteak eta kanpo gelditzen direnak. Zalantzaren bat baduzu edo kontratatuta dituzun estaldurak zehazki ezagutu nahi badituzu, begiratu eman dizuten dokumentazioa edo jar zaitez harremanetan zure aseguru-entitatearekin.

Konponketak azkar eta eraginkortasunez

Aseguruen Enpresa Elkarteak (Unespak) plazaratutako ‘¿Podrían venir hoy’ (Etor zaitezkete gaur?) txostenaren arabera, aseguruak konpontzen dituen kalteen % 40 itoginak dira. Jarraian, konponketa ugarienak kristal-apurketak (% 16,9) eta kalte elektrikoak (% 11,3) dira. Urak eragindako kalteen garrantzia ekonomikoa ere bada: aseguratzaileek konpontzaileei transferitutako 1.300 milioi eurotik 216,5 milioi iturgintzari dagozkio. Izan ere, lau kasutik batean, pertsona batek etxean kalteak dituela-eta parte ematen duenean, aseguratzaileak iturgintzan aditua den norbait bidali behar izaten du (kasuen % 24,9tan).

Zer egin behar dugu itoginen bat izanez gero?

Hezetasun-arrastoren bat ikusten baduzu, ez izan zalantzarik, deitu lehenbailehen aseguratzaileari, arazoa larriagotu aurretik. Zorionez, kasuen % 61etan, iturginak etxera joan behar izaten direnean, arazoa bisita-egunean bertan konponduta gelditzen da.

Baina, batzuetan, gremio bat baino gehiagoren arteko lankidetza behar izaten da konponketa egiteko. Gehienetan iturgintzaren eta margolaritzaren artean egin beharreko konponketa-lanak izaten dira, edo igeltserotza, iturgintza eta margolaritza hartzen dituztenak. Kasu horietan, konponketa-lanek batez beste sei egun irauten dute. Esku hartuko duten langileen borondateaz eta profesionaltasunaz gain, egin beharreko lanen ezaugarriek ere eragina dute konponketen iraupenean. Adibidez, lehortzeko edo asentatzeko denbora behar bada.

Profesional bakarrarentzako lanak iturgintzakoak izan ohi dira. Gehienak, aipatu dugunez, egun bakarrean burutzen dira, eta hamarretik sei hiru egun baino gutxiagotan.

Jakina, etxea eta eraikinaren egoera egoki mantentzeak eta etxeko aseguru on batek itoginen eta horien ondorioen kudeaketa saihestu eta arindu dezake. LABORAL Kutxan banka eta aseguruen eredu paregabea dugu, produktu hobeak eta zure beharretara egokitutakoak eskaintzeko aukera ematen diguna. Horien artean daude, nola ez, jabetzako eta alokairuko etxeetarako etxe-aseguruak, bai errentatzaileentzat eta bai maizterrentzat. Ikusi gure modalitate sorta osoa eta eskaintzen ditugun neurrirako estaldurak, zatoz gurekin hitz egitera. Zain gaituzu!