Javier Aguirresarobek eta Mikel Urmenetak jasoko dute 2009ko Euskal Herritar Unibertsalaren saria

Eusko Jaurlaritzaren Kanpo Harremanetarako Idazkaritza Nagusiak eta Euskadiko Kutxak Euskal Herritar Unibertsalaren Saria ematen dute urtero, nazioartean Euskal Herriaren  irudi ona zabaltzen duten norbanako, elkarte, talde edo erakundeen lana aitortzeko.   Hain zuzen,  ildo horretan lan bikaina egiten duten bi sortzaile izan dira 2009ko saridunak:

• Javier Aguirresarobe eibartar argazki zuzendaria, zinemako hainbat irudi ederren egilea.
• Mikel Urmeneta iruindarra, 60 herritara zabaldu den Kukuxumusu markaren bazkide fundatzailea eta sormen zuzendaria.

Javier Aguirresarobe

Oso ibilbide oparoa egin du zinemarako argazki zuzendaritzan, 1970.eko hamarkadan hasita. Gaitasun eta sentsibilitate aparta erakutsi ditu bere lanean eta bere izena klasiko bihurtu da zinema munduan . Besteak beste, Pilar Miró, Carlos Saura, Fernando Trueba, Víctor Erice, Pedro Almodóvar, Alejandro Amenábar, Julio Medem, Montxo Armedariz eta Imanol Uriberekin egin du lan.

Nazioarteko hainbat produkziotan lan egin du, besteak beste, Woody Allen zuzendari handiarekin.

Hain zuzen, Javier Aguirresarobe izan da iaz sekulako arrakasta izan zuten ondoko bi filmen argazki zuzendaria:

• The twilight saga: new moon (Luna Nueva), Crepúsculo saga ezaguneko liburuan oinarritutako filma.
• La carretera, Charlize Theron, Viggo Mortensen eta Robert Duval aktore ezagunak protagonista dituen filma, Pulitzer saria irabazi zuen izen bereko eleberrian oinarritua.

Mikel Urmeneta

Kukuxumusu ideia eta marrazki lantegia sortu eta  bere lana 60 herritan zabaltzea lortu du Mikel Urmeneta iruindarrak, hasierako marrazkien freskotasun eta indarra galdu gabe.

1989ko Sanferminetarako kamiseta batekin hasitako ideia nazioarteko arrakasta duen enpresa eta ekintzaile askoren eredu bilakatu da Kukuxumusu.  Besteak beste, ondoko enpresa eta erakundeentzako lan egin du Mikel Urmenetak: Microsoft, Kodak, Inoxcrom, Heraclio Fournier, Greenpeace, Medicus Mundi, Bayer,  AEBetako tenis Opena…

Aurreko urteetako sarituak

Euskal Herritar Unibertsalaren 13. Saria izan da aurtengoa. Izan ere, azken urte hauetan, kirol, zientzia, arte, gizarte eta kultura arloko hainbat pertsona eta erakunde esanguratsu saritu ditugu:

2008   Juan Mari Arzak

2007   Guggenheim Bilbao museoa

2006    Auñamendi Argitaletxea

2005   Joaquín Achucarro

2004   Joanne Somarriba

2003   Ainhoa Arteta eta Martin Ugalde

2002   Xabier de Irala

2001   Pablo Mandazen , "Hermano Ginés"

2000   Juanito Oiartzabal eta Jon Sobrino

1999   Pedro Miguel Etxenike

1998   Donostiako Orfeoia eta Jorge Oteiza

1997   Laboa Monsiñorea eta Eduardo Chillida