Kontsumorako bost mailegutik bat mugikorretik eskatzen da dagoeneko

Sei hilabete hauetan, telefonoz bat-batean eskatzen diren kredituen ehunekoa hirukoiztu egin da ia, eta % 19ra iritsi da. Eta, are garrantzitsuagoa dena, joerak bere horretan jarraituko duela dirudi.

Telefono mugikor batetik mailegu bat eskatzea banku-zerbitzuen etorkizun urruneko ideia zirudien duela oso gutxi arte. Orain, ordea, gero eta jende gehiagok erabiltzen duen aukera da. LABORAL Kutxaren Dispon berehalako kredituak mugikorretik, online bankaren bidez, kutxazainetatik, gure edozein bulegotan edo Telebanka zerbitzuaren bidez eska daitezke. Berehala onartzen dira, eta horregatik izan dute hain arrakasta handia.

Mugikorraren gorakadarekin gehien ahuldu den kanala Online Banka izan da. Izan ere, lehen kredituen erdiak gestionatzen zituen ia, eta orain, berriz, kasuen % 32tan baino ez da erabiltzen. Dena dela, online banka gero eta mugikorragoa da, eta agian horixe da gertatzen dena: erabiltzaileek ez dute ordenagailu konbentzional baten aurrean jarri arte itxaroten finantza-eragiketak egiteko, eta naturaltzat hartzen dute “sakelako ordenagailuarekin” ia edozein eragiketa edonondik egin ahal izatea.

Mailegu gehienak Online Bankaren bidez eskatzen dira

Dena dela, mugikorren erabilerak Dispón mailegua eskatzeko izan duen gorakada handia gorabehera, pertsona gehienek Online Banka erabiltzen dute oraindik mailegu hori eskatzeko. Horixe diote 2017ko urtarrileko datuek. Hilabete horretan, Dispón kreditu bat eskatu zuten pertsonen herenek Online Banka erabili zuten. Lautik bat kutxazain automatiko batera joan zen mailegua eskatzera, eta lautik beste batek LABORAL Kutxaren bulego fisikoetan eskatu zuen.

Dena dela, oso alde esanguratsuak daude kredituen zenbatekoan, eskaera egiteko aukeratutako kanalaren arabera. Adibidez, erabiltzaileak bulego fisikoetara joaten dira eskatutako zenbatekoa handia denean, gestorearen aholkularitza pertsonala lortzeko seguruenik. Zenbatekoak nabarmen txikiagoak direnean, berriz, mugikorrak aukeratzen dituzte mailegua eskatzeko. Mugikorren bidez eskatutako kredituen batez besteko zenbatekoa bulegoetan eskatutakoa baino hiru aldiz txikiagoa da. Eta Online Bankan? Baliabide telematiko bidez eskatzen den zenbatekoa gero eta handiagoa da. Hala ere, mugikorretik eskatzen den kreditu motaren eta bulegoan eskatzen denaren artean kokatuta dago oraindik.

Berehalako mailegua, paperik eta konplikaziorik gabe

Berehala emango dizugu, ez duzu ezein dokumentaziorik aurkeztu behar. Itzultzeko epea 1 eta 7 urte bitartekoa da, eta gutxieneko zenbatekoa, berriz, 500 euro. Gainera, istripu-asegurua doan izango duzu, eta baldintza bereziak bizitza-aseguruan (maileguaren kuotarekin ordaindu ahal izango duzu). Epeka ordaintzeko aukera eskaintzen dizutenean, konparatu Dispón kredituaren baldintzekin, hobeak izan baitaitezke.

Dispón mailegua eskatzeko era guztiak

Nahi duzun bezala eska dezakezu Dispón berehalako mailegua: mugikorrarekin, ordenagailutik, bulegoetan, Telebankaren bitartez eta kutxazain automatikoetan. Mugikorrean oso erraza da aurkitzea, pantailaren goialdean ohiko eragiketetarako erabiltzen diren botoietan baitago.

Zure ordenagailuarekin Online Banka erabili nahi baduzu, bi aukera dituzu. Sartu “Produktuak kontratatzea” menuan, eta egin klik “Finantzaketa” aukeran. Bestela, aukeratu “Maileguak” menua eta egin klik “Kontsumorako mailegua kontratatu” aukeran.

Telebanka aukeratzen baduzu, deitu 901 333 444 telefono-zenbakira, eta hartuko zaituen pertsonak nahi dituzun simulazioak egingo dizkizu, epea eta eskatzen duzun zenbatekoa kontuan hartuta, bulegoan bezala. Nahiago baduzu mailegua kutxazain batean eskatu, pantaila nagusian aurkituko duzu aukera; zenbatekoa, epea eta zer kontutan helbideratu nahi duzun adierazi beharko duzu, besterik gabe.

Garbi ikusten al duzu orain Dispón mailegua eskatzeko aukera?