Kostu altuak, pertsonal kualifikaturik eza eta enpresen zorroztasuna dira Bizkaiko berrikuntzak dituen eragozpen nagusiak

“Bizkaiko berrikuntza teknologikoari buruzko inkestan” enpresa-ehunaren 2014ko datuak bildu dira, eta horixe erakutsi dute. Datu horien arabera, Bizkaiko 10 langileko edo gehiagoko enpresen %22,6ak berrikuntza teknologikoarekin loturiko jardueretan aurreko urtean baino %1,9 gutxiago gastatu zuen. Jarduera-mota horien gaineko gastua, guztira, 1.010 milioi eurokoa izan zen 2014an; hau da, enpresa bakoitzeko batez besteko gastua 783.712 eurokoa izan da.

Bizkaiko enpresek zein eremutan egin dute inbertsioa 2014. urtean:

- Enpresen %12,5ak barruko I+G-n  (859.495 euro)

- %9,9ak makineria erosten (242. 292 euro)

- %7,6ak kanpoko I+G-n (457.815 euro)

- %4,5ak berrikuntza-jardueretako prestakuntzan (22.193 euro)

- %2,3ak diseinuetan eta bestelakoetan (278.619 euro)

- %1,7ak erosketetan, eskubide eta patenteetan, know how lizentzietan (83.714 euro)

- %1,3ak merkaturatzeko barneko edo kanpoko jardueretan, produktu berriak edo hobeak sartzearekin lotura zuzena dutenetan (174.666 euro).

Produktuaren edo prozesuaren berrikuntza

Bizkaian produktua edo prozesua berritzen duten enpresa-kopurua %25,4koa da, aurreko urtean baino 1,1 puntu baxuagoa. Horien barruan, Bizkaiko 10 langileko edo gehiagoko enpresek gehiago berritzen dute prozesuan (%19,2) produktuan baino (%16,8), eta %44,3ak prozesuko berrikuntza establezimenduan bertan garatu du.

Berrikuntza teknologikoaren efektuak

Bizkaiko enpresen %96,7arentzat, berrikuntza teknologikoak efektu nabarmenak ditu jarduera garatzerakoan:

- Kalitate handiagoa eskaintzen die ondasunei eta zerbitzuei (%79,5)

- Zerbitzuak ekoizteko edo emateko gaitasuna gehitzen dute (%57,9)

- Enpleguari eusten diote (%47,0) eta kualifikatua areagotzen dute (%22.1)

- Ingurumen, osasun edo segurtasun arloko araudi-baldintzak betetzen laguntzen dute (%40,2)

- Ingurumen-inpaktua gutxitzen da (%38,2)

Berrikuntza zailtzen duten faktoreak

Berrikuntza aplikatzeak onurak dakartzan arren, Bizkaiko enpresen %66,9ak 2014an zailtasunen bat aurkitu du berrikuntza-jardueran:

- Faktore ekonomikoak (%58,5): kostu altuak

- Enpresaren barruko faktoreak (%43,4) -portzentajea 2013koa baino handiagoa da-:

• Langile kualifikaturik ez
• Antolakuntza zorrotza
• Teknologiari buruzko informaziorik ez

Lankidetza-akordioak dituzten establezimenduak

Bizkaian berrikuntza jorratzen duten enpresen %34ak I+G eta berrikuntzako jarduerei buruzko lankidetza-akordioak sinatu ditu beste enpresa edo instituzio batzuekin, 2012-2014 denboraldirako. Portzentajea 2011-2013 denboraldikoa baino 2,9 puntu baxuagoa da.

Lankidetza-akordioak honako hauekin sinatu dira bereziki:

- Zentro teknologikoak (%60,7)

- Enpresako edo enpresa-multzoko bestelako establezimenduak (%49)

- Unibertsitateak eta goi-mailako irakaskuntzako beste institutuak (%48,7)

- Ekipoaren, materialen, osagaien edo softwarearen hornitzaileak (%48)

Zona geografikoak kontuan hartuta, batez ere lan egin da honako hauetan kokatutako erakundeekin edo enpresekin:

- Euskadi (%90,9)

- Espainiako gainerakoak (%51)

- Europar Batasuna (%46,5)

- Munduko gainerakoak (%12,4) -2011n baino ia erdia-

Berrikuntzaren finantzaketa publikoa

Azkenik, Bizkaian berrikuntza jorratzen duten enpresen %53,7ak berrikuntza-jardueretarako finantza-laguntza publikoa jaso du 2014. urtean, izan mailegu eran edota diru-laguntzen bitartez. Kopuru hori 2013koa baino 6,1 puntu baxuagoa da. Diru-laguntza gehien eman duten administrazioak honako hauek izan dira:

- Eusko Jaurlaritza (%69,2)

- Administrazio Zentrala (%36,5)

- Foru Aldundiak (%35,9)