LABORAL Kutxa eta telefono mugikorra: ba al dakizu zenbat gauza egin ditzakezun?

Mugikorra erosketa-orga eta laneko agenda izan daiteke aldi berean, edo zine-sarrera eta mezularitza-zerbitzua. Eta, jakina, gero eta aukera gehiago eskaintzen ditu kreditu-txartel edo banku-bulego gisa erabiltzeko orduan. LABORAL Kutxan aukera guztiak aprobetxa ditzazun nahi dugu.

iOS edo Android gailuekin aukera mordoa duzu

Gainera, LABORAL Kutxarekin, zure mugikorra kreditu-txartela ere bada. Badira hilabete batzuk iOS gailuak —iPhoneak eta iPadak— dituzten gure bezeroek Apple Playren abantailak balia ditzaketela dendetan eta online-saltokietan. Android gailuak dituzten bezeroentzat ere erraza da dendetan ordaintzea LK Pay aplikazioari esker: nahikoa da mugikorra contactless sistema duen Saltokiko Terminalera hurbiltzea. Aplikazio horrekin, Android eta iOS gailuek dirua bidali eta jaso dezakete komisiorik ordaindu gabe. Nahiago duzula LK Pay deskargatu gabe zure mugikorra kreditu-txartel bihurtzea pegatina edo eranskailu baten bidez? LABORAL Kutxan zure behar guztietarako konponbide teknologikoak ditugu, eta mugikor-bidezko zerbitzuen sorta eskaintzen dizugu, baita kutxazainean txartelik gabe dirua ateratzeko aukera ere Online Banka erabilita.

Xehetasun gehiago jakin nahi al duzu? Infografian aurkituko dituzu, eta, noski, behar dituzun guztiak emango dizkizugu hemen bertan, Twitter, Facebook edo Instagram bidez. Hemen gaituzu!