LABORAL Kutxan ingurumenaren alde egiten duguna

LABORAL Kutxan badakigu klima-aldaketaren aurkako borroka dela gizateriak inoiz aurrean izan duen erronka handienetako bat. Horregatik, Nazio Batuen Erakundeak sustatutako Garapen Iraunkorrerako Helburuak eta Banku-jarduera Arduratsuaren Printzipioak betetzeko konpromisoa hartu dugu, eta gure egoitza nagusian egin dugun zaharberritzea eredugarria izan da jasangarritasunari dagokionez. Gure ingurumen-politika erantzukizunean eta ingurumenaren zaintzan oinarrituta dago. Gehiago jakin nahi duzu? Azalduko dizugu. 

Etengabeko hobekuntza da gure helburua

Bat egin dugu Garapen Iraunkorrerako Helburuekin

• Energia garbiei eta energia-efizientziari lotutako proiektuak finantzatzeko hitzarmenak lotzen jarraitzea.
• Gizarte-onura dakarten produktu eta zerbitzuak eta inbertsio sozialki arduratsuak bultzatzea.
• Bertako nekazaritzako elikagaien sektorearen aldeko babesa areagotuko dugu eta finantza- eta aseguru-bazterketa saihesteko ahaleginari eutsiko diogu. 
• Enpresa osasungarriaren kontzeptua jorratzeko lan egingo dugu; era berean, gizartearen finantza- eta aseguru-hezkuntza landuko dugu. 
• Enpresa-sustapenera eta -berrikuntzara bideratzea kreditu-inbertsioa.
• Gure instalazioetan eta lantokietan energia-efizientzia hobetzeko inbertsioak egitea, gure egoitza nagusia berritzean, adibidez; isurien bolumena murriztuko dugu, baita kontsumoak eta hondakinak ere. 
• Gainera, teknologia berrien erabilera sustatuko dugu ibilgailuen erabilera gutxitzeko; garraio iraunkorra bultzatuko dugu eta istripuak gutxitzearen alde egin. Izan ere, Iraunkortasunaren aldeko Euskal Enpresen Elkarteko (IZAITEko) partaide gara. Irabazi-asmorik gabeko elkartea da eta Garapen Iraunkorrarekin eta Gizarte Erantzukizun Korporatiboarekin konprometitutako enpresa pribatuak biltzen ditu. 

Banku-jarduera Arduratsuaren Printzipioen sortzaile gara

Zertara behartzen gaituzte printzipio horiek?

• Gure estrategia komertziala Garapen Iraunkorreko Helburuekin, Klima Aldaketaren Aurkako Parisko Hitzarmenarekin eta estatuetako eta eskualdeetako esparruekin lerrokatzera.
• Gure eragin positiboak handitzera eta negatiboak txikitzera, eta gure jarduera, produktu eta zerbitzuen bidez pertsonentzat eta ingurumenarentzat sortzen ditugun arriskuak kudeatzera. 
• Arduraz jardutera geure bezero eta kontsumitzaileekin, jardunbide jasangarriak sustatzeko eta oraingo zein geroko belaunaldientzako aberastasun partekatua ekarriko duten jarduera ekonomikoak ahalbidetzeko. 
• Alderdi interesdunekin parte hartu eta lankidetzan jardutera, modu proaktiboan eta arduratsuan, gizartearen helburuak betetzeko.
• Printzipio horiekin hartutako konpromisoak gobernu eraginkorraren eta banku-kultura arduratsuaren bidez betetzera, anbizioa eta erantzukizuna erakutsiz gure eraginik handienekin lotutako helburu publikoak finkatzean.
• Printzipio hauen ezarpen indibidual eta kolektiboa aldian behin berrikustera, eta gardenak eta arduratsuak izatera geure eragin positibo eta negatiboetan eta gizartearen helburuak betetzeko egiten dugun ekarpenean.