Hilaren 25ean, igandea, egin ezazu bat euskal kirolarekin eta Euskadiko Kutxarekin

[caption id="attachment_842" align="alignleft" width="160" caption="Euskal Kirolaren Eguna"][/caption]

Urriaren 25ean, igandea, Euskal Kirolaren VI. Eguna ospatuko da Tolosako Usabal Kiroldegian. Ekimena Euskal Kirol Federazioen Batasunak (EKFB) antolatu du, Euskadiko Kutxaren  laguntzaz. 11:00etatik 15:00etara, kirol-tailerretan parte hartzeko eta erakustaldi eta lehiaketa ofizialak ikusteko aukera izango duzue. Gainera, Euskadiko Kutxak haurrentzako eremua prestatu du: puzgarriak eta sorpresa ugari egongo dira bertan.

Jai-giroko kirol-jardunaldia izango da, parte-hartzailea eta aldarrikatzailea, euskal kirolak gehiago ezagutarazteko eta, halaber, kirol-ordezkaritza indartzeko, Euskal Federazioen inguruan.

Herri-kirolak, hipika, igeriketa, mahai-tenisa, surfa, mendizaletasuna, xakea, txirrindularitza, padela, arku-jaurtiketa, errugbia, piraguismoa… Euskal Kirolaren VI. egunean ia hogeita hamar kirol mota jorratuko dira. Jardunaldi parte-hartzailea izango da gehienbat, eta, beraz, jai-giroaz gozatzeaz gain, kirola egiteko aukera ere eskainiko zaie nahi dutenei, monitoreen eta urtero bertaratzen diren kirolari ezagunen laguntzaz.

Euskal Kirol Federazioen Batasuna

Honako funtzio eta helburu nagusi hauek ditu:

• Euskal kirola eta, bereziki, kirol federatua garatzea.
• Euskal kirol-selekzioen aitorpena sustatzea.
• Euskal kirol guztiak sustatzea, defendatzea eta ordezkatzea.
• Entitate eta erakunde publiko eta pribatuekin elkarlanean aritzea, Euskadin kirola garatzeko eta hobetzeko.
• Euskadiko kirol-politika hobetzeko ekimenak eta ekarpenak proposatzea.
• Zerbitzu komunak sortzea euskal kirol-federazioentzat.

Euskadiko Kutxa kirolaren alde

Euskadiko Kutxarentzat garrantzitsua da kirolaren bidez gizarteari laguntzea, kirolak dinamismo-balioak hedatzen baititu.

Kirolaren alde hartu dugun konpromisoaren beste adibide bat  ekarriko dugu gogora: duela gutxi Caja Laboral saskibaloi-taldearen babesle bihurtu gara.