Gazteentzako edukiak euskaraz – 2026ko azaroa | LK Gazteak
2026-10-08
Gazteentzako edukiak euskaraz – 2026ko azaroa | LK Gazteak
Gazte, nerabe, eta ez hain gazteok! Euskaraz disfrutatzeko edukiak bilatzen dituzue?
Egutegiak urria dela dio baina gure aukeraketa ez da inoiz urria izaten eta hilabete honetan ere urrea dakarkizuegu, han eta hemen bila ibili ondoren topatu duguna. Kataluniako telebistatik kultur fenomeno bilakatu zen telesail bat ekarri dizuegu, institutu arrunt batera irakasle ez hain arrunta iristen denean abiatzen dena. Eta BBCren katalogo ikusgarritik beste bat, euskal komediaren bi fenomenok bikoiztua. Entzuteko, sona handiko musikarien eta kirolarien kantuak eta istorioak ekarri dikizuegu. Eta irakurtzeko, fikziozko mundu fantastiko batean girotutako nobela garaikide bat, eta hiru mila urtez iraganeko arbasoen suak gorde dituen kontakizun mitiko bat, gaur egungo irakurle gazteak ere iluminatu ditzaten.
🎞️ Telesaila
Katalunian fenomeno kulturala eta soziala izan zen Merlí, izen bereko irakasle oso berezi baten eta bere institutuko lankideen eta ikasleen istorioak kontatzen dituen telesaila, eta bere hiru denboraldiak ikusgai daude euskaraz, Primeran plataforman.
🎞️ Telesaila
Smoggie Queens. Brotxa eta pelukaren erreginak
Anjel Alkainek eta Jon Iraolak beraien umore ezagunarekin bikoiztu dute BBCk egindako reality show hau, queer lagun talde baten gertakizunekin egindako komedia bat, maitasunari eta komunitate-senari buruz hitz egiten duena.
🎙️ Bideopodcasta
Lehen denboraldia bukatu berri du euskal musikari eta taldeak ezagutzera emateko helburuarekin sortu zen SONAk eta orain, bideopodcast bitan entzun daitezke lehen denboraldi horretan musikariek jo dituzten jatorrizko kantuak edo bertsioak.
🎙️ Bideopodcasta
Bidea ibilian egiten dela esaerak, eta kirolei dagokienez, emakumeek dagoeneko oso bide luzea eta oparoa egin dutenez, Guau plataformak bideopodcast berri bat estreinatu du, esparru honetan eskarmentu handia duen Maitane Urbieta kazetariaren eskutik.
📗 Irakurgaia
Euskal literaturak gutxitan jorratu duen generoa izan da fantastikoa eta gazteak ere nahiko ahaztuta izan ditu baina horixe da Kepa Iribarrek egin duena, Ranjartian izeneko lurraldean bizi den Liv neskatoaren abenturak kontatzen dituen nobela fantastiko honetan.
📘 Irakurgaia
Christopher Nolanek egin duen filmeak zinema aretoetan lortu duen arrakastaren ondoren, une egokia izan daiteke 12-16 urteko gazteetxoak Homeroren kontakizun epikoari aukera bat emateko, Juan Kruz Igerabide idazleak adin horretarako prestatu zuen bertsio honekin.
Zein da zure erreakzioa?
Interesgarriak izan daitezke...
