Rentinga, enpresentzako finantzaketa-formula
2015-06-04
Rentinga, enpresentzako finantzaketa-formula
2015ean, rentinga enpresentzako aukera interesgarria bilakatu da berriro ere. Espainiako Leasing eta Renting Elkarteak (AELR) argitaratu dituen azken datuen arabera, apirilera arte enpresek 205.000 ibilgailu baino gehiago erosi dituzte, hau da, data horretara arte matrikulatutako ibilgailuen % 49. 2014ko epe bereko datuekin alderatuta % 25,8ko hazkundea izan du. Baina… zer da rentinga? Alokairua da renting hitz anglo-saxoiaren itzulpen literala. Epe ertainerako edo luzerako errentamendu-kontratua da, bestelako zerbitzuekin osatzen dena. Horren bidez, enpresak ibilgailua eskura dezake erabiltzearen truk hileko kuota bat ordainduta (bestelako ondasun batzuetan ere erabil daiteke rentinga, baina ibilgailuen kasua da ohikoena). Renting-enpresari ordaintzen zaion kuotan ibilgailuaren erabilerarekin lotutako zerbitzu guztiak daude sartuta (asegurua, azterketak, ibilgailuaren mantenua, gurpilak aldatzea, zergak, ordezko ibilgailua bestea tailerrean den bitartean). Ondasunaren erabiltzaile den enpresak erregaia, bide-sariak, isunak eta gaizki gidatzeagatiko konponketa-gastuak bakarrik hartuko ditu bere gain. Rentingaren eta leasingaren arteko aldeak
Finantza-leasingarekin alderatuta, rentingaren kasuan erabiltzaileak ez du, printzipioz, ondasuna erosteko asmorik.
Renting-kontratuaren epea libreki ados dezakete aldeek. Ibilgailuen rentingean, gehienezko epea 60 hilabetekoa izaten da. Epe hori bukatzean, enpresak ondasuna itzul diezaioke renting-konpainiari horrek esandako tokian eta baldintzetan, edo errentamendu-kontratu berria adostu baldintza jakin batzuekin; horretarako, enpresak egunean izan beharko ditu ordainketak. Rentingaren abantailak
Autonomoentzat eta gainontzeko enpresentzat rentingak zerga-abantaila garrantzitsuak ditu, ibilgailuaren errentamenduagatik ordaindutako kopuruak kengarriak baitira, baldin eta ondasuna jarduerari atxikita badago eta lan horretarako beharrezkoa bada.
Rentingaren beste abantaila bat da enpresaren balantzean ez dela zor gisa azaltzen, gastua baita.
Espainiako ordenamendu juridikoan rentinga ez dagoenez espresuki araututa, atipiko esaten dieten kontratu horietako bat dela ondoriozta daiteke. Kontratu mota horren interpretazioa eta norainokoa zehazteko, Kode Zibilean jasota dauden ondasun-errentamenduei buruzko xedapenak hartzen dira kontuan.
Jarraian, renting-kontratuaren eta leasing-kontratuaren arteko aldeak laburbiltzen dituen taula jaso dugu, Merkataritza Ganbarek landutakoa:
| Rentinga | Leasinga |
| Ondasun bat erabiltzeko kontratua, erosketa-kontuetan sartu gabe | Ondasun baten erosketa finantzatzeko kontratua |
| Ondasunaren funtzionamendu egokirako beharrezkoa den guztia sartuta dago kontratuan | Asegurua, mantenua eta bestelako zerbitzuak ere kontratatu behar dira |
| Hileko errentaren barruan bestelako zerbitzuak ere sartzen dira | Hileko kuota finantza-zerbitzuari bakarrik dagokio |
| Kontabilitateari erreparatuta, balantzean ez da zor gisa azaltzen | Kontratu-konpromisoa zor gisa azaltzen da sozietatearen pasiboan |
| Normalean ez dago ondasuna erosteko aukerarik | Kontratuaren arabera bezeroak ondasuna erosteko aukera du |
| Ez dago gutxieneko iraupen-aldirik, epeetan ere malgutasuna handiagoa da | Ondasunak higigarriak badira, leasing-kontratuak bi urteko iraupena izango du gutxienez |
Zein da zure erreakzioa?
Interesgarriak izan daitezke...
