Zein da zure bizikleta-ibilbiderik gustukoena paseo bat emateko? Hartu parte gure lehiaketan eta irabazi ekipamendu bikain bat

Ibilbide pixka bat light-agoak bilatzen ditugu, bizikletan ibili nahi dugunerako baina hankak lehertu gabe. Kilometroak egin nahi ditugun egunetarako, baina modu erosoagoan eta lasaiagoan. Errazago jartzearren, distantzia- eta desnibel-muga batzuk jarri dizkiegu zuek proposatzea nahi dugun ibilbideei:

Errepideko txirrindularitzako ibilbideak: Ibilbideak ezingo dira 70 kilometrotik gorakoak izan, eta ezingo dute 500 metroko desnibel positiboa gainditu. Mendiko txirrindularitzako ibilbideak: Ibilbideak ezingo dira 35 kilometrotik gorakoak izan, eta ezingo dute 500 metroko desnibel positiboa gainditu.

Beti bezala, ibilbide irabazle bat aukeratuko dugu, baina eskatzen dizkizuegun baldintzak betetzen dituzten ibilbide guztiak argitaratuko dira Wikiloc-eko gure profileko zerrenda berri batean. Dagoeneko 50 ibilbide baino gehiago daude, zerrenden arabera antolatuta: hasteko ibilbideak, familiarekin egiteko ibilbideak eta, laster, paseo bat emateko ibilbideak.

Nola hartu parte lehiaketan 

Gehienok badakizue dagoeneko, baina berriz gogoraraziko dizuegu nola parte hartu hilabete honetako lehiaketan. Azaldutako ezaugarriak betetzen dituen ibilbide bat bidali behar diguzue .gpx artxiboan. Posta elektroniko bidez (laboralkutxa@gmail.com helbide elektronikora) edo WhatsApp bidez (677 662 867 zenbakira) egin dezakezue.

Gogoratu: oraingoan paseo bat emateko ibilbideak nahi ditugu gure zerrenda osatzeko. Eskerrik asko parte hartzeagatik eta… Zorte on!