Javier Echeverria Ezponda Eusko Ikaskuntza-LABORAL Kutxa saria jasoko du

Curriculum nabarmena dauka, maila akademikoan zein zientifikoan eta datorren astean Donostiako Miramar Jauregian jasoko du ibilbide horri dagokion saria. Azken bi hamarkadetan, sari horrek Euskal Herriko eta Nafarroako gizartearen aurrerabideari ekarpen bikaina egin dien pertsonen lana aitortu nahi izan du; zientziaren, kulturaren eta artearen alorrean. Javier Echeverria Ezpondari buruz hitz egiten ari gara, berak jasoko baitu aurten Eusko Ikaskuntza-LABORAL Kutxaren Humanitate, Kultura, Arteak eta Gizarte Zientzien saria.

Sari banaketa ekitaldia urriaren 18an izango da, Eusko Ikaskuntzaren urteroko kongresuaren bukaerarekin batera. Aurten kongresua Donostia 2016ko ekitaldien baitan egingo da, LABORAL Kutxaren babesarekin. Amaitzen denean, arratsaldeko 18.00etan, egingo da sari banaketa ekitaldia, bertan direlarik Txomin Garcia, LABORAL Kutxako presidentea eta Iñaki Dorronsoro Plazaola, Eusko Ikaskuntzako presidentea. Haien batera, erakundeen goi mailako ordezkaritza ere batuko da sari banaketara, bertan egongo baitira Iñigo Urkullu lehendakaria eta Uxue Barkos Nafarroako presidenta.

Eusko Ikaskuntza-LABORAL Kutxa saria

Bikaintasuna eta konpromisoa

Saria banatzeko orduan, epaimahaiak Javier Echeverria Ezpondaren karrera osoa hartu du kontutan, “bere hondarearen kaudimena” eta “Herrialdearen gobernantzarekin duen konpromisoaren garrantzia”. Ez zaio falta halako baieztapenak frogatzeko meriturik, izan ere, 37 urteko karrera luzean maila goreneko hezkuntza zentroak sortu eta sustatu ditu, besteak beste, CSICeko Filosofia Institutua eta UPV/EHUko Filosofia eta Hezkuntza Zientzien Fakultatea. Horrez gain, bere zuzendaritzapean prestatu diren 17 doktoreez osatutako ikastetxe bat ere sortu du.

Ia 40 urteko karrera bikaina

Javier Echeverria Ezponda Filosofian doktorea da, Madrilgo Complutense Unibertsitatearen eskutik eta, horrekin batera, Zientzia eta Humanitateetan doktore ere bada, Parisko Unibertsitatearen eskutik. Besteak beste, Espainiako Saiakera Sari Nazionala eta Euskadiko Ikerkuntza Saria jaso ditu. Horrez gain, UPV/EHUko Filosofia eta Hezkuntza-Zientzien Fakultateko dekanoa izan da eta UPV/EHUren ikerkuntzako errektoreordea. Nafarroako Kultura Batzordeko kidea eta Euskal Kultura Batzordearen kidea ere bai. Humanitateen alorrean mundu mailako erreferentzia ere bada, 400dik gora konferentzia emanak baititu kongresu nazionaletan zein nazioartekoetan.

Bere meritu akademikoekin batera, beti izan du konpromiso sendoa erakundeen eta gizartearen gobernantzarekin. Gaur egun, Jakiundeko kidea da eta beste hainbat batzordetan eta elkartetan parte hartzen du, Euskal Herrian, Espainian, Europan eta Hego Ameriketan. Nazioarteko karguen artean, honako hauek nabarmendu daitezke: Estatu Iberoamerikarraren Erakundeko ahokularia, Zientzia eta Teknologiarako Espainiako Fundazioaren zuzendaritza-batzordeko kidea, Europako Batasuneko European Science Foundation delakoaren kidea eta Mexikoko zein Argentinako Zientzia eta Teknologia Batzorde Nazionaletako kidea.