Emozioen kudeakez arituko gara Elkarrizketak ziklokoan

Zerbaitek kezkatzen gaituenean, joan egiten zaigu gosea. Eztabaidan aritzen garenean, beroa sumatzen dugu urdailean. Beldurtzen garenean, kostatu egiten zaigu txistua irenstea. Elkarrizketak zikloko hurrengo topaketako gai nagusia izango da emozioen kudeaketa.

Emozioak, gure organismoaren erantzun psikofisiologikoak, oso bizi daude gure bizitzan, eta inork ez du ukatzen gure buru-osasunean eragin itzela dutela eta adimenaren osagarrietako bat direla. Baina… nola zaindu? Nola saihestu arriskuak eta beldurrak biziagotzeko joera hedatu hori?

Erantzunak ez dira errazak; baina, maiatzaren 27an eta 28an Elkarrizketak ziklora joaten direnek horiek bilatzeko tresnak aurkitu ahal izango dituzte, “Zure emozioak kudeatu, zure garuna entrenatu” hitzaldiari esker. Elsa Punset idazle eta dibulgatzaileak emango du, aditua baita adimen emozionalaren gaian. Donostian emango duen hitzaldian David Otaegui Biodonostia institutuko ikertzailea izango du lagun, eta Nafarroan Begoña Perez Erasmus, Nafarroako Unibertsitate Publikoko Gizarte Laneko irakasle eta Hiritartasunari, Bizikidetzari eta Aniztasunari buruzko UNESCO katedraren zuzendaria. Bi kasuotan, izena eman beharra dago; hortaz, animatu eta bete hitzaldien fitxetan aurkituko duzun inprimakia, plazak agortu baino lehen.

Emozioen kudeaketa, Elkarrizketak zikloko hurrengo topaketako gai nagusia

Aurrez ere mintzatu gara behin baino gehiagotan zientziaren, etikaren eta humanismoaren alorreko topaketa horietaz. Dakizuenez, LABORAL Kutxak babestu egiten ditu. Iraganean, besteak beste, gai hauek landu dituzte medikuntzako, psikologiako eta psikiatriako goi-mailako adituek: atsekabearen kudeaketa, medikuen eginkizuna gure mendean eta heziketaren mugak. Gaur-gaurko eta gizarte-intereseko gaiez pentsatzeko eta eztabaidatzeko gunea eskaintzea du xede.

Zure emozioak kudeatu , zure garuna entrenatu” hitzaldiaren fitxa teknikoa

Gipuzkoan

Eguna: maiatzaren 27aOrdua: 19:30Lekua: Donostiako Kursaal Elkargunea, Ganbara aretoaParte-hartzaileak: Elsa Punset eta David OtaeguiBabesleak: LABORAL Kutxa, Gipuzkoako Foru Aldundia eta Donostialdea OSIIzena ematea:Jarleku kopurua bete da.

Nafarroan:

Eguna: maiatzaren 28aOrdua: 10:30Lekua: Iruñeko BaluarteParte-hartzaileak: Elsa Punset eta Begoña Perez ErasmusBabesleak: LABORAL Kutxa eta Nafarroako Unibertsitate Publikoa (UPNA)Izena ematea:Jarleku kopurua bete da.