Esadazu zein belaunaldikoa zaren eta esango dizut nola babestu

Interesak, kezkak eta ardurak desberdinak dira gure belaunaldiaren arabera, eta bizitzea egokitu zaigun testuinguru historiko, kultural eta sozioekonomikoak moldatzen ditu.

Belaunaldiei buruz egindako hainbat ikerketek bakoitzaren ezaugarriak eta berezitasunak deskribatzen dituzte, bai nortasunari dagokionez, bai motibazioari dagokionez, eta horiek nola islatzen diren munduarekin erlazionatzeko moduan, kontsumitzeko moduan eta gure babes-behar eta -kezketan.

RAEren (Real Academia Española) definizioaren arabera, belaunaldia "hurbileko datetan jaio eta antzeko hezkuntza eta eragin sozial eta kulturalak jaso dituzten eta pentsamenduaren edo sorkuntzaren esparruan nolabaiteko jarrera komuna hartzen duten pertsonen multzoa da".

Honetaz ari gara:

Z belaunaldia

1997 eta 2012 artean jaio zinen eta natibo digitala zara.

Bidaiatzea, tokiak ezagutzea eta beste kultura batzuetako pertsonekin partekatzea gustatzen zaizu, eta, ahal dela, garraiobide ekologikoagoak aukeratzen dituzu, hala nola trena edo autobusa, eta bizikletak edo patineteak, gertuko joan-etorrietarako. Jasangarritasunak kezkatzen zaitu.

Autodidakta eta prestakuntzaduna, urrutiko ikastaro eta karreren bidez ikasten duzu etengabe, baina ziurrenik ikasketak atzerrian egiteak erakartzen zaitu eta mundu osoko eta klase guztietako pertsonekin elkarreraginean arituko zara.

Zure lehen lan-esperientziak bizitzen ari bazara, ziurrenik malgutasuna bilatzen ari zara lanean, esperientzia profesional bat, eta ez duzu nahi bizitza osoan lan bera izatea, zure gurasoek egin dezaketen bezala. Ekintzailetza aukera bat da, eta litekeena da zure lehen lan-bizipenak atzerrian edo urruneko lan-formuletan esperimentatzea.

Beraz, seguru aski zure bidaietan babestuko zaituzten, zure bizikleta edo patinetea, zure gailu elektronikoak eta zure datu pertsonalak aseguratuko dituzten aseguruak bilatuko dituzu. Hori bai, aseguru digitalak eta kontratazio azkar eta eraginkorrekoak izan daitezela.

Millenials

Nahiz eta oraindik gazteak izan, helduak dira jada, 1981 eta 1996 artean jaiotakoak biltzen dira Millennials gisa. Teknologiara ere ohituak, ekologistak eta diskriminazio ororen aurka, belaunaldi "gozatzaileena" dela esaten da.

Millenial bazara, ziur aski zure osasuna zaintzen duzu, bai fisikoa bai mentala, eta, ondorioz, bizitza osasuntsua eta elikadura osasuntsua hautatu dituzu.

Ikasketa-maila altuarekin, ziurrenik funtsezko gaiak planteatzen ariko zara eta, dagoeneko hartu ez badituzu, erabaki garrantzitsuak hartuko dituzu, hala nola familia bat sortzea edo etxebizitza bat erostea.

Familia izatea erabaki baduzu, zure seme-alaben – Alpha belaunaldiaren – autoerrealizazio pertsonala baloratuko duzu, eta haien grinak bilatzera animatuko dituzu, beren talentuak gara ditzaten eta beren helburuak lor ditzaten sustatuz.

Etxeko txikienei adi, teknologikoki trebeak, ziurrenik urruneko lanaren aukera eta lana eta familia uztartu ahal izatea baloratuko duzu. Gainera, zu eta zure bikotekidea haien hazkuntzan parte hartzen ariko zarete, genero-rol tradizionalak kolokan jarriz eta balio hori ereduarekin txertatuz.

Zure kasuan, ziurrenik zure gailu elektronikoak edo zure datu pertsonalak babesteak eta errepideko edo mendiko bizikleta aseguratuta edukitzeak ere kezkatzen zaitu. Hala ere, familia baduen horietakoa bazara, zure kezka nagusia zure seme-alaben etorkizuneko segurtasuna eta ongizatea izango da, baita familia osoaren osasuna ere. Horregatik, bizitza-aseguruek egiten duten bezala, bizitzako ezusteko larri baten aurrean zure etorkizuneko planak bermatuko dizkizuten aseguruak bilatzen dituzu, baita behar duzuen unean behar duzuen medikuarengana edo espezialistarengana joateko osasun-aseguru bat ere, zuen etxea, autoa, bizikleta edo mugikorra aseguratuta edukitzeaz harago. Hori bai, Z belaunaldia bezala, kontratazio digitalaren aukera gustatzen zaizue eta zuen behar zehatz eta errealei erantzungo dieten aseguruak bilatzen dituzue.

X belaunaldia

Nortasun errebelde, eszeptiko, eztabaidatzaile eta aktiboagoa duen belaunaldi hau aldaketa azkarrez, aldaketa sozialez, teknologikoz eta familia-ereduen aldaketez osatutako garai batean hazi zineten (1965-1980).

OHOko (Oinarrizko Hezkuntza Orokorra) belaunaldikoak zarete, eta esaten da lan-esparruan anbiziotsuena zaretela, arrakasta gehien baloratzen duzutenak eta, agian, arrakasta horrek arlo pertsonalean zein materialean dituen ondorioak gehien estimatzen dituztenak, etxe on bat izatea, auto on bat...

Oro har, Z belaunaldiko gurasoak zarete eta familiaren egonkortasunak kezkatzen zaituzte, eta haiekin denbora atera eta gozatu nahi duzue. Haien independentzia eta autonomia sustatzen duzue, erronkei aurre egiten eta etorkizunean gerta daitezkeen egoeren aurrean malguak izaten irakasten diezue.

Koloretako telebistaren etorreraren lekuko, lehen belaunaldia zarete ordenagailuekin ohitzen – gogoratzen duzue?... Spectrumak, MS-DOS sistema eragilea... –, telefono mugikorrak eta bideojokoak ezagutzen dituzuen lehen belaunaldia zarete, eta, gailu horietara ohituta bazaudete ere, ez zarete ondorengo belaunaldiak bezain digitalak. 

Markekiko leialagoak izanik, erosteko erabakiak hartzeko aholkularitza espezializatua eta pertsonala baloratzen duzue, bereziki "letra txikia" daramaten produktuen erosketan, hala nola aseguruetan edo finantza-produktuetan.

Bereziki kezkatzen zaituzte zutarrak ongi egoteak eta ezer falta ez izateak, eta, horretarako, mundu guztiak, etorkizuna, norberarena eta zutarrena, bizitza-aseguru batez babestuta daukazue, are gehiago tartean maileguak badaude, edo istripu- edo osasun-aseguruak, gerta daitekeenagatik. Eta silver etapa deiturikoan sartzen ari zaretenoi ere mendekotasun-egoeretarako konponbideak bilatzen hasten zarete, zama bat ez izateko edo, gutxienez, maiteei arintze

Baby boomerrak

1946-1964 bitartean Bigarren Mundu Gerraren ondoren jaiotako belaunaldiak, neurri handi batean gerrako soldaduen itzuleragatik eta familiak osatzeko nahiagatik jaiotza-tasak handitu zirelako, oparotasun garai bat bizi izan zuen, baina gora-beherekin, modernizazioarekin eta erdiko klasearen hedapenarekin.

Belaunaldi langilea zarete, leiala -baita lanean ere-, konprometitua, errespetutsua, balio tradizionalagoek markatua eta gizarte eta politika gaietan ikuspegi kontserbadoreagoa duena, familian eta komunitatean enfasi handiagoa jartzen duena.

Bereziki, bizitzaren alderdi guztietako egonkortasuna eta segurtasuna baloratzen dituzue. Ziurrenik, zuen aurrekoek transmititu zuten, Belaunaldi Isila deiturikoak, Depresio Handiko eta Bigarren Mundu Gerrako urteetan lan handia egin behar izan zuenak. Urte horiek bereziki gogorrak izan ziren, eta ahalegin handia eta sakrifizio handiak egin behar izan zituzten bizirik irauteko.

Bizitako oparotasun eta klase ertainaren hedapen garai horrek, lehenago edo geroago, unibertsitatera sartzen, kostaldean oporrak hartzen edo auto bat erosten lehena izatea eragin zuen, besteak beste.

Gaur egun, erretiratu askok edo erretirora hurbilduz daudenek, egonkortasun eta segurtasun finantzarioa ere bilatzen duzue "zilarrezko" aldian, pertsonalki zein zuen familientzat; are gehiago, tartean bilobak daudenean. Horregatik, mendekotasun-egoeretan segurtasun ekonomikoa emango dizuten soluzioak bilatzen dituzue, bai eta, unea iristen denean, maite dituzuen pertsonen zama arinduko duten zerbitzuak ere. Osasuntsu egoteak berebiziko garrantzia hartzen du, eta medikuntzara heltzea erraztuko dizuten osasun-aseguruak ere aukeratzen dituzue, aldian behingo azterketak, probak eta konplexutasun handiagoko ebakuntzak egiteko, zuen etxebizitza eta autoak ondo aseguratuta edukitzeari utzi gabe..

Hori bai, X belaunaldiak bezala, harreman pertsonalak nahiago dituzue, aurrez aurre, eta aholkularitza hurbila eta presentziala baloratzen duzue zuen erosketa-erabakietan.

Babes-soluzioak

Azken batean, belaunaldi bakoitzak bere babes-beharrak ditu, baina ez horregatik dira berdinak belaunaldi bakoitzeko pertsona guztietan, bakoitza norbera garelako eta geure errealitatea eta kezka pertsonalak ditugulako.

Horregatik, LABORAL Kutxan, zaren belaunaldikoa zarela, eta, batez ere, zaren bezalakoa zarela, aseguru-soluzio ugari dituzu, digitalagoak edo ez hainbeste eta espezialisten aholkularitzarekin, zure kezkei eta babes-beharrei erantzuteko.

Nahi baduzu, gure webgunean informazio gehiago aurkituko duzu, gure webgunean zure telefono-zenbakia utz diezagukezu zurekin harremanetan jartzeko edo deitu zuzenean 946 468 888 telefonora