Mikrofonoak eta kamerak: zure pribatutasunaren atzeko atea

Gure gailuak ez dira soilik gure eguneroko zereginak errazten dizkiguten tresna bihurtu, baizik eta ziberdelitugileentzako sarrera-bektore ere bihurtu dira, baita espiatzeko leihoak ere.

Azken horri espioitza digitala esaten zaio, eta arriskuan jartzen du dispositiboan gordetako informazioaren pribatutasun pertsonala eta profesionala; eta informazio-lapurreten, estortsioen edo kalte ekonomikoen eraginpean jar gaitzake.

Balizko espioitzaren seinaleak

Espioitza digitalaren ondorioz, gailuaren babesak berebiziko garrantzia du zibersegurtasuneko jardunbide egokien agendan.

Zibergaizkile bat zure gailuaren kamera edo mikrofonoa zelatatzen ari dela detektatzea zaila izan daiteke, baina lagungarri izan daitezkeen hainbat alerta-seinale daude:

• Kameraren argia piztuta dago kamera bera erabiltzen ari ez zarenean: gailu batzuek argi bat dute, automatikoki aktibatzen dena aplikazioren batek kamera erabiltzen duenean. Erabiltzen ez den bitartean pizten bada, espioitza-seinalea izan daiteke.
• Gailuaren gainberotzea: gailu bat espioitza jasaten ari denean, ohikoa da gehiegi berotzea, aldi berean egin behar dituen zeregin eta prozesu asko direla eta.
• Baimen gehiegi dituzten aplikazioak: aplikazio batzuek zure gailuaren konfigurazio jakin batzuetarako sarbidea izan dezakete, horretaz erabat jabetu gabe. Hori da espioitza digitalerako bide nagusietako bat, erabiltzaileek ez baitituzte aldian-aldian berrikusten beren aplikazioen baimenak.
• Interferentziak edo oihartzunak deietan: zarata arraroak, interferentziak edo atzealdeko ohiz kanpoko soinuak egon daitezke zibergaizkile bat gure gailua manipulatzen ari denean.

Seinale horiek guztiak garaiz identifikatzeak, jarraian aurkezten ditugun jardunbide egoki batzuk aplikatzeaz gain, pribatutasunaren eta intrusio digitalaren arteko aldea marka dezakete:

1. Eguneratu sistema eragilea eta antibirusa: eguneratzeek ziberdelitugileek gure gailuetan sartzeko erabil ditzaketen segurtasun-kalteberatasunak zuzentzen dituzte. Babes on batekin, gure informaziora sartzeko atea itxiko diegu.
2. Konektatu Wi-Fi sare seguruetara bakarrik: sare irekiak erabiliz, ziberdelitugileek zure datuak atzeman ditzakete eta zure gailuetara sar daitezke. Pasahitzekin babestutako sareak eta VPNak erabiltzeak gailua baimendu gabeko sarbideen aurka zifratzeko aukera ematen du.
3. Berrikusi aplikazioen baimenak aldian-aldian: funtsezkoa da aplikazioek dituzten baimenak erregulartasunez berrikustea, eta beharrezkoak ez direnak baliogabetzea, zibergaizkileen eta zure informazioaren arteko zubi bihur ez daitezen.
4. Estali gailuaren kamera: kamera modu fisikoan estaltzeak segurtasuna indartzen laguntzen du, baimendu gabeko grabazioak saihesteko.

Gogoratu: espioitza digitalaren aurkako defentsarik onena prebentzioa da.