Eusko Ikaskuntza-Euskadiko Kutxa Saria irabazi du Maria Bayok
2011-11-25
Eusko Ikaskuntza-Euskadiko Kutxa Saria irabazi du Maria Bayok
Maria Bayo sopranoak XVI. Eusko Ikaskuntza-Euskadiko Kutxa Saria irabazi du. Sari horrek curriculumik azpimarragarrienak dituzten Humanitateen, Kulturaren, Arteen eta Gizarte Zientzien arloko jarduneko pertsona ezagunak saritzen ditu, Euskal Herriaren kultura-garapenari ageriko ekarpenak egiten dizkiotenak.
Epaimahaiak azpimarratu du Maria Bayo gure erreferente kulturala eta musikala dela, eta nazioarteko eszenako abeslaririk errespetagarrienetako eta miretsienetako bat. Ezagun eta Humanitateen, Kulturaren, Arteen eta Gizarte Zientzien arloko Eusko Ikaskuntza-Euskadiko Kutxa Sariaren merezidun egin duten ezaugarriak hauek dira, hain zuzen: ahotsa, talentua, zehaztasuna, xarma, exijentzia, dotoretasuna, lana, arriskua, aparteko ahots-gaitasuna eta nazioarteko karisma eta proiekzioa, besteak beste.
Baina hori ez da Nafarroako sopranoari emandako lehenengo saria. 2002an Kulturaren Vianako Printzea jaso zuen eta 2009an Musikaren Sari Nazionala.
Maria Bayok Europako, Amerikako eta Japoniako opera-antzoki garrantzitsuenetan jardun du; eta jaialdirik entzutetsuenetan parte hartu du, orkestrarik garrantzitsuenetariko batzuek lagunduta. Musika-ondarea berreskuratzeko lan egin du eta euskal errepertorio luzea grabatu eta interpretatu ditu.
Euskadiko Kutxan bertatik bertara bere ahotsaz gozatzeko aukera izan genuen, izan ere, entitatea Nafarroan hasi zeneko 25. urteurrena ospatzeko eginiko kontzertu gogoangarrian parte hartu zuen 1993an.
Aurreko urteetako sarituak
- 2010 Joxerramón Bengoetxea
- 2009 Javier Elzo
- 2008 Daniel Innerarity Grau
- 2007 Gregorio Monreal Zia
- 2006 Maïté Lafourcade
- 2005 Nestor Basterretxea Arzadun
- 2004 Juan San Martín Ortiz de Zarate
- 2003 Gurutz Jáuregui Bereciartu
- 2002 Bernardo Atxaga (Jose Irazu)
- 2001 Juan Garmendia Larrañaga
- 2000 Miguel Artola Gallego
- 1999 Eduardo Chillida Juantegui
- 1998 Jesus Altuna Etxabe, Juan Plazaola Artola
- 1997 Luis Villasante Kortabitarte
- 1996 Alvaro d'Ors y Pérez Peix
- 1995 Julio Caro Baroja
Zein da zure erreakzioa?
Interesgarriak izan daitezke...
