Eusko Ikaskuntza-Euskadiko Kutxa Saria jasoko du Joxe Azurmendik

Joxe Azurmendik Eusko Ikaskuntza-Euskadiko Kutxa Saria irabazi du eta gaur arratsaldean jasoko du Miramar Jauregiko Julio Caro Baroja aretoan, sariaren lehen irabazlearen izena daraman aretoan, alegia.

1995ean jarri zuten martxan Eusko Ikaskuntzak eta Euskadiko Kutxak sari hau, Humanitateen, Kulturaren, Arteen eta Gizarte Zientzien alorrean gure herriaren garapenari egindako ekarpenak eskertzeko. Eta urtez-urte, curriculumik onenak zituzten jarduneko pertsonak, Euskal Herriaren kultura-garapenean eraginkorki parte hartu dutenak, saritu dituzte:

• 1995 Julio Caro Baroja
• 1996 Alvaro d’Ors y Pérez Peix
• 1997 Luis Villasante Kortabitarte
• 1998 Jesus Altuna Etxabe, Juan Plazaola Artola
• 1999 Eduardo Chillida Juantegui
• 2000 Miguel Artola Gallego
• 2001 Juan Garmendia Larrañaga
• 2002 Bernardo Atxaga (Jose Irazu)
• 2003 Gurutz Jáuregui Bereciartu
• 2004 Juan San Martín Ortiz de Zarate
• 2005 Nestor Basterretxea Arzadun
• 2006 Maïté Lafourcade
• 2007 Gregorio Monreal Zia
• 2008 Daniel Innerarity Grau
• 2009 Javier Elzo
• 2010 Joxerramón Bengoetxea
• 2011 Maria Bayo

Gure bizikidetzaren alde aipagarrienak zorrotasunez eta sakontasunez jorratu ditu Joxe Azurmendik bere entseguetan. Pentsalari ausarta izan da beti, eta landutako gaietan ikuskera ezberdin bat plazaratzen saiatu da, arazoen jatorrien inguruko arrazoiak bilatzen; beti ere, adoktrinamenturik gabe, elkarrizketaren eta eztabaidaren aldeko jarrera erakutsiz.

Joxe Azurmendi eta kooperatibismoa