Goitik behera alda daiteke ingeniaritza ikasteko modua?

LEINN graduan, esaterako, etorkizuneko ekintzaileek beren enpresak sortzen dituzte, prozesu osoan lagun dituzten coachek gidaturik. Hain zuzen, horrelako apustuen alde egiteagatik eta ikaskuntza metodo berrietan esperientzia handia izateagatik, JCLEE2015 konferentzia egiteko aukeratu dute MU. Nazioarteko konferentzia horrek gai hau izango du mintzagai: nola erabili horrelako metodoak ingeniaritza irakasteko. Ingeniaritzak potentzialtasun handia du, benetako arazoei aurre egitea eta irtenbideak proposatzea oinarritzat dituzten hezkuntza metodoek arrakasta izateko askotariko esparruetan (energian, lehengaietan, iraunkortasunean eta abarrean).

LEINN graduak ingeniaritza goitik behera aldatzen du

Ingeniaritzako Ikasleei, irakasleei, ikertzaileei, enpresei eta erakundeei bideratua dago konferentzia. Donostian egingo da uztailaren 6tik 9ra, berrikuntzaren hiriko campusean (Orona-Ideo), eta munduko ikaskuntza-elkarterik garrantzitsuenek hartuko dute parte. Hona hemen horietako batzuk: Aalborg Unibertsitatea (Danimarka), Ingeniaritzako eta Iraunkortasuneko Zientzietako Arazoetan Oinarrituriko Ikaskuntzako aurreneko UNESCO ikastetxea; Universitat Politécnica de Cataluña (UPC); Universidade do Minho (Portugal) eta Saxion University of Applied Sciences (Holanda). Jakina, LABORAL Kutxaren babesa ere badu.

Egitaraua, egunez egun

Ingeniaritzako irakaskuntzari buruzko munduko hiru ikuspegi nagusi bilduko ditu konferentziak: Irakaskuntza aktiboa ingeniaritzan (ALE), Proiektuen inguruan antolaturiko irakaskuntza (POL) eta Arazoen konponketan oinarrituriko irakaskuntza (PBL). Jarduera nagusiak uztailaren 6an, 7an eta 9an egingo dira.

• Uztailak 6: “Ikaskuntza aktiboa ingeniaritzaren irakaskuntzan” ingeniaritzako ikasleei eta irakasleei bideratuta dago. ALEk, ikaskuntza aktiboaren bitartez ingeniaritzako hezkuntza hobetzera bideraturiko ingeniaritzako irakasleen nazioarteko sareak, antolatu du, beste batzuekin lankidetzan.
• Uztailak 7: Ingeniaritzako Hezkuntza Proiektuen ikuspegiei buruzko nazioarteko sinposioa.
• Uztailak 9: Arazoetan oinarrituriko ikaskuntzari buruzko ikerketaren nazioarteko sinposioa, Aalborg Unibertsitateak antolatua, beste batzuekin lankidetzan. Hori Arazoetan oinarrituriko ikaskuntzako UNESCO ikastetxea da.
• Uztailak 10: Konferentzia-ondoko lantegiak eta bisita turistikoa Donostian zehar.