Eusko Ikaskuntza-LABORAL Kutxa saria

Gaur izango da, 18:00etan, Miramar jauregiko Julio Caro Baroja aretoan. Iñaki Dorronsoro Plazaola Eusko Ikaskuntzako lehendakariak eta Txomin García Hernández LABORAL Kutxako lehendakariak banatuko duten sariaren bidez, Euskal Autonomia Erkidegoaren eta Nafarroaren kultur garapena benetan bultzatzen dutenen ibilbidea ohoratu nahi da.

Aurtengoan, irakaskuntzan eskarmentu handia duten bi lagunek jasoko dute saria: Mariasun Landak, irakasle izateaz gain euskarazko haur-literaturan erreferentzia denak, eta Jean-Baptiste Orpustanek, lexikografian, hizkuntzalaritza-historian, literaturan, onomastikan eta itzulpengintzan aditua denak.

Eusko Ikaskuntza-LABORAL Kutxa saria

Humanitate, Kultura, Arteak eta Gizarte Zientzien Eusko Ikaskuntza-LABORAL Kutxa Saria 1995ean sortu zen, aipaturiko alorretan curriculumik aipagarrienak dituzten jardunean dauden pertsonak saritzeko. Aurtengo banaketa-ekitaldian euskal kulturako izen handiak bilduko dira. Horiekin batera Iñigo Urkullu lehendakaria ere izango da.

Eusko Ikaskuntza-LABORAL Kutxa-ko sarituak

Mariasun Landa (Errenteria, Gipuzkoa, 1949) Filosofian lizentziatua da Pariseko Unibertsitatean, eta Filosofia eta Letretan lizentziatua Valentziako Unibertsitatean. Irakasle izan da Oinarrizko Hezkuntzan, baita irakasleria euskalduntzeko Eusko Jaurlaritzaren zerbitzuan ere, eta Literaturaren Didaktikako irakasle titularra Donostiako Irakasleen Unibertsitate Eskolan (EHU). Irakasle-lanaz gain, euskarazko haur- eta gazte-literaturaren esparruan nabarmendu da. 30 liburutik gora idatzi ditu, hizkuntza askotara itzuli dituztenak. Era berean, sari ugari jaso ditu, besteak beste, Haur Literaturako Lizardi saria (1982), Haur eta Gazte Literaturako Euskadi saria (1991) eta Espainiako Kultura Ministerioaren Haur eta Gazte Literaturako Sari Nazionala (2003).

Jean-Baptiste Orpustan (Ortzaize, Nafarroa Beherea, 1934) ohorezko irakasle da Michel de Montaigne Bordeaux III unibertsitatean, lexikografian, hizkuntzalaritza-historian, literaturan eta onomastikan espezialista, eta gainera, itzulpengintzan eta euskal literaturan aditua. 1990etik Frantziako Zientzia Ikerketarako Gunera atxikitako ikerketa-unitate bateko zuzendari da, IKER euskara eta euskal testuen ikerketa-zentroak argitaratzen duen Lapurdum zientzia-aldizkariaren sortzaile eta Izpegi argitaletxearen sortzaileetako bat, Pierre Bidart antropologiako irakaslearekin batera. Euskal literatura, historia eta toponimiari buruzko lan ugari eman ditu argitara.

20 edizio eta saritu-zerrenda luzea

Hona hemen azken 19 urteotan eta 20 ediziotan Eusko Ikaskuntza-LABORAL Kutxa saria jaso dutenen zerrenda:

2014. Mariasun Landa eta Jean-Baptiste Orpustan
2015. Francisco Etxeberria, María Carmen Gallastegui
2016. Joxe Azurmendi
2017. Maria Bayo
2018. Joxerramón Bengoetxea
2019. Javier Elzo
2020. Daniel Innerarity Grau
2021. Gregorio Monreal Zia
2022. Maïté Lafourcade
2023. Nestor Basterretxea Arzadun
2024. Juan San Martín Ortiz de Zarate
2025. Gurutz Jáuregui Bereciartu
2026. Bernardo Atxaga (Jose Irazu)
2027. Juan Garmendia Larrañaga
2028. Miguel Artola Gallego
2029. Eduardo Chillida Juantegui
2030. Jesus Altuna Etxabe, Juan Plazaola Artola
2031. Luis Villasante Kortabitarte
2032. Alvaro d’Ors eta Pérez Peix
2033. Julio Caro Baroja