Zeharkako zergak: Ondare-eskualdaketak eta Egintza Juridiko Dokumentatuak

Zeharkako zergak: Ondare-eskualdaketak eta Egintza Juridiko Dokumentatuak

4 min.

2015-10-19

Zeharkako zergak: Ondare-eskualdaketak eta Egintza Juridiko Dokumentatuak

Zuzenekoak eta udalekoak ikusi ondoren, ordaintzen ditugun zergei buruzko artikulu sortarekin jarraituko dugu gaur. Etxebizitza erostean izaten diren gastuez aritu ginenean aipatu genuen zeharkako zerga mota azalduko dugu: Ondare-eskualdaketen eta Egintza Juridiko Dokumentatuen gaineko Zerga. OEZ eta EJD siglak dagozkie, hurrenez hurren, eta etxebizitzen eskualdaketak eta notario-aurrean sinatzen diren dokumentuak zergapetzen dituzte, labur-labur esateko. Jarraian, hobeto eta zehatzago azalduko ditugu zergon nondik norakoak.Ondare-eskualdaketen gaineko zergaren (OEZ) ezaugarri orokorrakOro har, partikularren arteko edo bigarren eskuko etxebizitza-erosketei Ondare-eskualdaketen gaineko zerga ordaintzea dagokie. Gainera, zerga hori honako hauei ere ezartzen zaie:

  • mota guztietako ondasunen eta eskubideen eskualdaketei,
  • enpresek egiten dituzten eragiketa jakin batzuei
  • eta ofizialki dokumentatu behar diren egintzei.
Autonomia Erkidegoen esku dagoenez, ikus dezagun lurralde historiko bakoitzean zertan den.Zerga Euskal Autonomia ErkidegoanAraba: OEZ eta EJD % 4koa da, bai etxebizitzentzat eta baita garajeentzat (2 gehienez) eta etxebizitzarekin batera eskualdatzen diren bestelako eranskinentzat ere. Erosleari dagokio zerga hori Foru Aldundiari ordaintzea.Dena den, % 2,5eko zerga-tasa berezia izan dezakete 120 m2 baino gutxiago dituzten etxebizitzek eta 120 m2 baino gutxiago dituzten familia bakarreko etxeek -300 m2 baino txikiagoa den lurzatia dutenek-. Orobat, familia ugariko titularrak diren etxe-erosleek ere % 2,5eko zerga murriztua dute. Kasu guztietan, bi baldintza bete beharko dituzte zerga murriztua izateko: batetik, ezingo dute udalerri bereko beste etxebizitza baten % 25etik gorako jabetza eduki, eta bestetik, erositako etxebizitza ohiko bizilekua izan beharko da.Bizkaia: Kostu-bidezko ondare-eskualdaketa esaten zaio zerga horri eta, Araban bezala, % 4ko tasa ezartzen da etxebizitzen kasuan. Etxebizitzak (eta horrekin batera izapidetzen diren bi garaje-partzela, gehienez) ez baditu 120 m2ko eraikitako azalera gainditzen eta zergaduna ez bada udalerri berean beste etxebizitza baten jabe, % 2,5eko tasa aplikatzen da. Tasa bera ezartzen zaie 120 m2 baino gutxiagoko eraikitako azalera duten familia bakarreko etxeei, betiere gehienez 300 m2ko lurzatian eraikita badaude. Familia ugarien kasuan ez dago 120 m2ko eraikitako azaleraren mugarik.Gipuzkoa: Gipuzkoan ere, Bizkaian eta Araban bezala, % 4ko eta % 2,5eko zerga-tasak daude indarrean etxebizitzen salerosketan. Tasa murriztua izateko, etxebizitzaren eraikitako azalera eta azalera erabilgarria ezingo dira 120 m2 eta 96 m2 baino handiagoak izan, hurrenez hurren. Familia ugariek ez dute baldintza hori bete behar.Nafarroako Foru Erkidegoan, berriz, etxebizitzen eskualdaketari % 5eko zerga-tasa ezartzen zaio, 180.304 euroko oinarri-mugarekin, etxearekiko banaezinak diren eranskinak barne, betiere honako baldintza hauek betetzen badira:
  • Bi seme-alaba edo gehiago hartzen dituen familia-unitateko kide izatea.
  • Familia-unitateko kide bat bera ere ez izatea beste etxebizitza baten jabe udalerri berean.
  • Etxebizitza hori eroslearen familia-unitatearen ohiko bizileku izan dadila.
  • Eskualdaketaren ondorioz etxebizitzaren jabari osoa eskuratzea, eta hori ez dadila inolaz ere izan lehenago gozamen-eskubidea eta jabetza soila medio zatikatutako jabariaren baterakuntzaren emaitza.
Baldintza horiek bete ezean, tasa orokorra % 6koa izango da.Egintza Juridiko Dokumentatuen gaineko zerga (EJD)Izenak berak adierazten duenez, dokumentuak notarioaren aurrean formalizatu behar direnean ezartzen da, eta baita administrazioko eta merkataritzako dokumentazio jakina formalizatzean ere. Honako hauek dira Egintza Juridiko Dokumentatuak:
  • Notario-dokumentuak: eskriturak, aktak eta notarioaren aurrean egindako lekukotzak. Eskrituren eta notario-akten lehen kopia, betiere horien xedea balioztagarria bada eta inskriba daitezkeen egintzak eta kontratuak jasotzen badituzte. Adibidez:
    • Ondasun higiezinen BEZarekin lotutako egintzak. Higiezin berri baten erosketa-eskritura, esaterako.
    • Ondasun higiezinen banaketa, zatiketa, elkarketa edo bat-egitea. Adibidez: Jabetza Erregistroan etxebizitzak edo finkak zatitzea edo elkartzea.
    • Obra berrien deklarazioa, banaketa horizontala.
    • Hipotekarekin bermatutako maileguak eratzea eta likidatzea.
  • Administrazioko dokumentuak: Erregistro Publikoan egindako prebentziozko idatzoharrak; esaterako: enbargoak, jabetza baten inguruko ebatzi gabeko demandak, etab.
  • Merkataritza-dokumentuak: kanbio-letrak, ordaindukoak, ordainagiriak, igorpenak eta antzeko dokumentuak.
EAEko hiru probintzietan etxebizitza-erosketari % 0,5eko EJD tasa dagokio, baina lurralde historiko bakoitzak bere salbuespenak ditu. Nafarroan, berriz, EJD tasa % 1 ingurukoa da, eta Babes Ofizialeko Etxebizitza baten lehen eskualdaketa zerga hori ordaintzetik salbuetsita dago (ez horrela etxebizitza tasatua bada).

Zein da zure erreakzioa?


Interesgarriak izan daitezke...

Jarduera uztea: autonomoen langabezia

Jarduera uztea: autonomoen langabezia

Autonomoentzako aholkularitza
Nola babestu geure burua QRishing-etik

Nola babestu geure burua QRishing-etik

Segurtasun informatikoa
Bidaiatuko baduzu, hau interesatuko zaizu!

Bidaiatuko baduzu, hau interesatuko zaizu!

Bidaiak