Kanal anitzeko eraso koordinatuak: nola detektatu eta nola babestu zure burua

Interkonektatuta gauden mundu honetan, komunikazio- edo entretenimendu-kanal ugari erabiltzen ditugu, hala nola gure sare sozialak, telefono pertsonalak edo posta elektronikoa. Ziberdelitugileek badakite hori, eta, horregatik, gero eta sarriago koordinatzen dituzte zibererasoak plataforma horietan guztietan, erasoen sinesgarritasuna areagotzeko.

Beste iruzur sinpleago batzuk ez bezala, eraso horiek ez dira mezu edo dei bakar batean oinarritzen; aitzitik, telefono-deiak, SMSak, mezu elektronikoak eta WhatsApp bezalako aplikazioen bidezko mezuak konbinatzen dituzte, legitimitate- eta urgentzia-sentsazio faltsua sortzeko. Estrategia horren bidez, ziberdelitugileek alarma-egoerak sortzen dituzte, hala nola ustezko kargu susmagarriak, kontu-blokeoak edo segurtasun-gorabeherak.

Zer kanal konbina ditzakete? Eraso errealisten adibideak

Kanal anitzeko eraso koordinatuetan, ziberdelitugileek hainbat komunikabide erabiltzen dituzte modu planifikatuan, engainua sinesgarriagoa izan dadin; adibidez:

• Telefono-deiak: erakunderen bateko langiletzat joz, urgentzia transmitituz.
• SMS: deia indartzeko edo lehen abisu gisa bidaltzen dira, segurtasun-alerta gisa.
• Mezu elektronikoak: phising erasoak, bankuak edo pakete-banatzaileak bezalako erakundeen itxura hartuta.
• WhatsApp edo sare sozialak: konfiantza eta hurbiltasuna sortzea bilatzen dute, batez ere gazteenekin.

Mezuak elkarren artean laguntzen dira, eta mezu erreala eta koherentea ematen dute. Hona hemen kanal anitzeko erasoaren adibide bat:

1. Hasierako abisua: bezeroak SMS edo email bat jasotzen du premiazko arazo baten berri emateko.
2. Engainua indartzea: handik gutxira, telefono-dei bat sartzen da, aurreko SMS edo emaileko erakunde bera ordeztuz, egiazkotasuna indartzeko.
3. Informazioa lapurtzea: biktima gidatzen dute mezuetan jasotako estekaren bat sakatzeko edo dei sentikorrean datuak emateko, ziberdelitugileari bere helburua lortzen lagunduz.

Ziberdelitugileak joera berrietara eguneratzen diren arintasuna kontuan hartuta, honako jardunbide egoki hauek gomendatzen dizkizugu zure burua babesteko:

• Susmatu hainbat alerta jarraian jasotzen badituzu: Denbora gutxian erlazionatutako mezuak, deiak eta abisuak jasotzen badituzu, iruzur koordinatua izan daiteke.
• Hasi erakundearekiko kontaktua zerotik: alerta egiaztatu nahi baduzu, zuzenean jarri harremanetan kanal ofizialaren bidez, dei ezezagunei erantzun gabe.
• Moztu ziberdelitugilearekiko komunikazioa: zintzilikatzeak, ez erantzuteak edo hariari ez jarraitzeak kanal anitzeko erasoa hausten du.

Kanal anitzeko erasoek zu nahastea bilatzen dute, aldi berean hainbat mezu konbinatuz. Gelditu, egiaztatu eta erabili kanal ofizialak zure burua babesteko.