Esaguzu zer #hasi nahi duzun 2016an eta irabazi 200 euro, kulturan, modan, aisialdian edo nahi duzunean gastatzeko
2015-11-30
Esaguzu zer #hasi nahi duzun 2016an eta irabazi 200 euro, kulturan, modan, aisialdian edo nahi duzunean gastatzeko
ZorionakBitxia da, baina, agenda digitalak, e-posta bidez partekatutako egutegiak eta abisu elektronikoak nagusi diren garai honetan, egutegia da LABORAL Kutxaren produktuen artean gogokoen dituzuenetako bat. Horrek hunkitu egiten gaitu, egia esan; lau hamarkadatik gora daramatzagu egutegia egiten, eta hainbat hilabetetan lan egiteaz gain, maitasun handiz egiten dugu. Iaz, laguntza eskatu genizun egutegia egiteko. Hain zuzen, zure eguneko une berezia zein zen galdetu genizun, haietatik 12 aukeratzeko eta urteko hilabeteak irudiztatzeko. Orain, zugana jotzen dugu berriro ere, 2016an zer #hasi nahi duzun galdetzera. Horixe izango da egutegiaren gai nagusia: hastea.Lehiaketaren dinamika2016an zer hasi nahi duzun pentsatu duzu? Zerbait txikia izan daiteke beharbada, baina oso garrantzitsua zuretzat; esaterako, lanera oinez joatea, autoa hartu beharrean. Agian, hizkuntza bat ikasten hasi nahi duzu, edo aspaldi buruan erabilitako lan-proiektu bati berriz ekin. Beharbada, proiekturen bat egin nahi duzu etxean, edo harreman batean hasi. Beharbada bizi-mailako zerbait egin nahi duzu, hala nola seme-alabak izan, herriz aldatu… edo batek daki. Kontatu hemen bertan, blogean.Eta parte hartzaile guztien artean, abenduaren 18an, oparitarako 3 txeke zozketatuko ditugu (oinarriak hemen ikus ditzakezu). Zaude lasai plataforma hau sekula erabili gabea bazara, ezin errazagoa da eta. Guk 200 euro balio dituen txeke bat emango dizugu eta diru horrekin zu weborrian sartu zaitezke eta katalogotik nahi duzuna erosi dezakezu. Era guztietako produktuak aurkituko dituzu: autoa doan garbitzeko bonoak; Springfield, Pedro del Hierro edo Women’s Secret etxeetako jantziak; Amazon atariko produktuak… Eguberri hauetan ez zaizu faltako zer oparitu zeure buruari edo zeuk aukeratutako edonori.Zer diozu? Parte hartzeko gogorik?Eta zerbait handia hasteko asmotan bazaude, hemen dituzu aholku batzuk, zure helburuak planifikatzeko eta hasten duzun edozein proiektutan nahi duzun guztia lortzeko.
Hasteko aholkuakZaindu emozioen alderdia. Eginbeharrez lan- edo ikasketa-helburu bat edo beste edozein helburu bete behar baduzu, pentsatu zer emozio positibo lor ditzakezun. Baliteke astean behingo hizkuntza-klase horretara joatea gozagarria izatea, lagun batekin askaltzeko geratzen bazara, bizikletaz joaten bazara edo gero zinemara joatekotan lotzen bazara… Askoz errazagoa da aldaketa iraunkor bat finkatzea, esperientzia onekin eta bizipen atseginekin lotuta badago. Izan adeitsua zure buruarekin!Izan ere, zerbait ez bazaizu batere gustatzen… beharrezkoa da egitea, benetan? Helburuak betetzeko, lan handia egin behar dugu, eta diziplinatuak izan, baina garrantzitsua da geure buruari entzuten jakitea. Batzuetan, identifikatzen ez dugun arrazoiren batengatik, gogor egiten zaigu helburu bat betetzea, eta horrek ematen digun alfertasuna arrasto bat izan daiteke, arrazoi hori ikertzeko eta zer egin dezakegun pentsatzeko. Izan errealista: Bete ezin diren helburuak ezin dira bete, besterik ez. Ez saiatu sekulako lanak egiten. Egutegi bat aurrean duzula, begiratu ea nahi duzun hori uste duzun epean egin daitekeen. Energiaz beteta bazaude, ez engainatu zure burua, eta ez hasi milaka gauza egiten; nekatu egingo zara, eta proiektua bertan behera utziko duzu, eta gainera, itxaropena galduko duzu. Errealistak izatea geure burua zaintzeko modu bat da. Bilatu laguntza: Beste konponbiderik aurkitu ezean, laguntza bilatzea ez da egin behar dugun azken gauza. Laguntza bilatzea ez da porrot bat. Ez da ahulezia-seinale bat. Emozio negatibo asko lotzen ditugu laguntza bilatzearekin –behintzat, eman behar digutenean!–; baina, zenbait helburu lortzeko (adibidez, osasun fisikoarekin edo mentalarekin lotuta daudenak), laguntza behar dugu, eta beste batzuetan, eskertzekoa da laguntza izatea. Esaterako, enpresa-proiektu bati edo negozio bati ekiteko asmoa baduzu… inork ez dizu lagunduko Gaztenpresa Fundazioak baino hobeto!Eta gainerakoak! Hurbil ditugun lagunek ez dute zertan jakin profesional batek bezala laguntzen –eta ez da bidezkoa haiei hori eskatzea–, baina gure ondoan egon daitezke aurrera eramaten ditugun proiektuetan. Espero dugu aholku horiei –eta funtziona dezaketen beste batzuei– esker, zure proiektuak arrakastaz hastea eta amaitzea. Oraingoz, hasteko, azaldu zer hasi nahi duzun datorren urtean, sartu gure zozketan eta gogoratu 2016an zerbait handia #hasi egingo dela.
Zurekin.
Zozketaren oinarriakDatuen Babesari buruzko klausula
Zein da zure erreakzioa?
Interesgarriak izan daitezke...
